मुळचा मुंबईकर असलेल्या मराठमोळ्या सौरभ नेत्रावळकरची अमेरिकेच्या राष्ट्रीय क्रिकेट संघाच्या कर्णधारपदी निवड करण्यात आलेली आहे. 2010 साली 19 वर्षाखालील विश्वचषक डावखुऱ्या सौरभ नेत्रावळकरने गाजवला होता. याचसोबत 2013 साली कर्नाटकविरुद्ध रणजी सामन्यात सौरभने मुंबईचं प्रतिनिधीत्व केलं होतं. यानंतर 2015 साली सौरभने भारत सोडून अमेरिकेला उच्च शिक्षणासाठी रवाना झाला.
कॉम्प्युटर सायन्समधील पदव्युत्तर शिक्षणासाठी सौरभने क्रिकेटला रामराम करण्याचा निर्णय घेतला. मात्र अमेरिकेत गेल्यानंतर सौरभ क्रिकेटशी आपली जोडली गेलेली नाळ तोडू शकला नाही. सॅन फ्रान्सिस्कोमधील कॉर्नेल विद्यापीठात शिकत असताना सौरभ पुन्हा क्रिकेट खेळायला लागला. यानंतर तब्बल 3 वर्षाच्या कालावधीनंतर त्याची अमेरिकेच्या क्रिकेट संघाच्या कर्णधारपदी निवड करण्यात आली आहे. सौरभच्या नेतृत्वाखाली अमेरिकेचा संघ पुढील आठवड्यात ओमानमध्ये आयसीसीच्या वर्ल्ड क्रिकेट लीगमध्ये खेळणार आहे.
