Video : हा विचित्र प्रकारचा बोल्ड पाहून तुम्हाला आवरणार नाही हसू…

कॉलिन डी ग्रँडहोमने ५० व्या षटकात लाबूशेनला गोलंदाजी केली. लाबूशेन खेळपट्टीवर स्थिरावला होता. १४८ चेंडूत तो ६३ चेंडूंवर खेळत होता. त्यावेळी ग्रँडहोमने टाकलेला चेंडू लाबूशेन सोडून देणार होता, पण चेंडू उसळला आणि त्याच्या कोपराला लागला. चेंडू कोपराला लागून थेट स्टंपवर आदळला आणि तो अत्यंत विचित्र पद्धतीने बाद झाला.

दरम्यान, प्रथम गोलंदाजी करताना न्यूझीलंडच्या ट्रेंट बोल्टने पहिल्या षटकातच जो बर्न्सला त्रिफळाचीत केले. लाबूशेन आणि वॉर्नरने डाव सावरला. अर्धशतकाच्या समीप असताना वॉर्नर बाद झाला. त्याला वॅगनर ४१ धावांवर माघारी धाडले. स्मिथ आणि लाबूशेन यांनी डाव पुढे नेला. त्यांनी ८३ धावांची दमदार भागीदारी केली. पण त्यानंतर लाबूशेन त्रिफळाचीत झाला. मॅथ्यू वेडही (३८) लवकर बाद झाला. अखेर स्मिथ आणि ट्रेव्हिस हेड या दोघांनी दिवसअखेर पर्यंत डाव सावरला. स्मिथने नाबाद ७७ धावा केल्या.