एपी, पॅरिस : विश्वातील अव्वल महिला टेनिसपटू इगा श्वीऑनटेक आणि १८ वर्षीय कोको गॉफ यांनी गुरुवारी फ्रेंच खुल्या टेनिस स्पर्धेतील महिला एकेरीच्या अंतिम फेरीत धडक मारली. पुरुषांमध्ये मारिन चिलिच आणि कॅस्पर रूड यांना उपांत्य फेरी गाठण्यात यश आले. गुरुवारी महिला एकेरीच्या उपांत्य फेरीत अमेरिकेच्या १८व्या मानांकित गॉफने इटलीच्या बिगरमानांकित मार्टिना ट्रेव्हिसानला ६-३, ६-१ असे एक तास, २८ मिनिटे चाललेल्या लढतीत पराभूत केले. या सामन्याच्या सुरुवातीपासूनच गॉफने आक्रमक शैलीत खेळ करत ट्रेव्हिसानवर वर्चस्व प्रस्थापित केले आणि तिला पुनरागमनाची कोणतीच संधी दिली नाही. त्यापूर्वी, पोलंडच्या श्वीऑनटेकने २०व्या मानांकित डारिआ कसात्किनाला ६-२, ६-१ असे नमवले. या सामन्यात २१ वर्षीय श्वीऑनटेकने दर्जेदार कामगिरी करताना कसात्किनाची सव्‍‌र्हिस पाच वेळा मोडली. त्यामुळे २०२० नंतर पहिल्यांदा तिने फ्रेंच स्पर्धेची अंतिम फेरी गाठली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
