अमेरिकेची सेरेना विल्यम्स आणि रशियाची मारिया शारापोव्हा.. टेनिसजगतामधील या दोन दिग्गज रणरागिणी.. आपल्या झंझावाती खेळामुळे प्रतिस्पध्र्यावर वर्चस्व गाजवणारी सेरेना गेली काही वष्रे दुखापतींवर मात करून खंबीरपणे उभी आहे.. तर निखळ सौंदर्य आणि शानदार खेळ यामुळे शारापोव्हाची वाटचाल एखाद्या टेनिससम्राज्ञीप्रमाणे सुरू आहे.. लाल मातीवर आपली सत्ता आणण्यासाठी शनिवारी सेरेना आणि शारापोव्हा एकमेकांसमोर उभ्या ठाकतील.. जागतिक क्रमवारीकडे दृष्टीक्षेप टाकल्यास सेरेना अव्वल स्थानावर विराजमान आहे, तर शारापोव्हा दुसऱ्या स्थानावर आहे.. फ्रेंच खुल्या स्पर्धेतही सेरेनाला अव्वल तर शारापोव्हाला दुसरे मानांकन देण्यात आलेले आहे.. टेनिसमध्ये दिसणारी हीच स्पर्धा शनिवारी टेनिसरसिकांना अनुभवता येईल.
१५ ग्रँडस्लॅम जेतेपदे नावावर असणाऱ्या सेरेनाला गेल्या वर्षी याच स्पर्धेत सलामीच्या सामन्यातच धक्कादायक पराभवाला सामोरे जावे लागले होते. त्या कटू स्मृती मागे टाकून जेतेपद पटकावण्यासाठी सेरेना यंदा सज्ज झाली आहे. अंतिम फेरीपर्यंतच्या प्रवासात तिने केवळ एकमेव सेट गमावला आहे. दुसरीकडे जेतेपद राखण्याचे मोठे आव्हान शारापोव्हावर असेल. गेल्या वर्षी सारा इरानीवर मात करत शारापोव्हाने फ्रेंच खुल्या स्पर्धेच्या जेतेपदासह कारकीर्दीतील ग्रँड स्लॅम जेतेपदांचे वर्तुळ पूर्ण केले होते. हे जेतेपद चमत्कार नाही, हे सिद्ध करण्याची शारापोव्हाला चांगली संधी आहे.
सेरेना विल्यम्स (अमेरिका)
जागतिक क्रमवारी स्थान १
एकूण ग्रँड स्लॅम जेतेपदे १५
ऑस्ट्रेलियन खुली स्पर्धा २००३, २००५, २००७, २००९, २०१०
फ्रेंच खुली स्पर्धा २००२
विम्बल्डन २००२, २००३, २००९, २०१०, २०१२
अमेरिकन खुली स्पर्धा १९९९,२००२, २००८, २०१२
पहिली फेरी अॅना टॅटीश्वहली(जॉर्जिया) : ६-०, ६-१
दुसरी फेरी कॅरोलिन गार्सिया (फ्रान्स) : ६-१, ६-२
तिसरी फेरी सोराना सिरस्टी (रोमानिया) : ६-०, ६-२
चौथी फेरी रॉबर्टा व्हिन्सी (इटली) : ६-१, ६-३
उपांत्यपूर्व फेरी स्वेतलाना कुझनेत्सोवा (रशिया): ६-१, ३-६, ६-३
उपांत्य फेरी सारा इरानी (इटली) : ६-०, ६-१
आमनेसामने (१३)
मारिया शारापोव्हा (रशिया)
जागतिक क्रमवारी स्थान २
एकूण ग्रँड स्लॅम जेतेपदे ४
ऑस्ट्रेलियन खुली स्पर्धा २००८
फ्रेंच खुली स्पर्धा २०१२
विम्बल्डन २००४
अमेरिकन खुली स्पर्धा २००६
पहिली फेरी सेइह स्यू-वेई (चायनीज तैपेई) : ६-२, ६-१
दुसरी फेरी इयुजेनिई बोऊचार्ड (कॅनडा) : ६-२, ६-४
तिसरी फेरी जि झेंग (चीन) : ६-१, ७-५
चौथी फेरी स्लोअन स्टीफन्स (अमेरिका) : ६-४, ६-३
उपांत्यपूर्व फेरी जेलेना जान्कोविक (सर्बिया): ०-६, ६-४, ६-३
उपांत्य फेरी व्हिक्टोरिया अझारेन्का (बेलारुस) : ६-१, २-६, ६-४
आमनेसामने (२)
