क्रिकेटपासून दुरावलेला हरभजन सिंह नव्या भूमिकेत, तामिळ सिनेमात करणार अभिनय

भारतीय संघाचा फिरकीपटू हरभजन सिंह, आपल्या नव्या भूमिकेसाठी सज्ज झाला आहे. गेली अनेक वर्ष हरभजनला भारतीय संघात स्थान मिळालेलं नाही, मात्र आयपीएलमध्ये तो चेन्नईकडून खेळतो आहे. अशातच हरभजन सिंहने चित्रपटसृष्टीत आपलं नशीब आजमावण्याचा प्रयत्न केला आहे. हरभजन ‘फ्रेंडशिप’ या तामिळ सिनेमात प्रमुख अभिनेत्याच्या भूमिकेत असणार आहे. खुद्द हरभजनने आपल्या ट्विटर अकाऊंटवर या चित्रपटाचं पोस्टर शेअर केलं आहे.