Virat Kohli : “मला माहित होते की तो…,” विराटला आंतरराष्ट्रीय क्रिकेटमध्ये १६ वर्षे पूर्ण झाल्यानंतर गौतम गंभीरचा VIDEO व्हायरल

गौतम गंभीरने विराट कोहलीचे केले कौतुक –

विराट कोहलीबद्दल बोलताना गौतम गंभीर म्हणाला की, ‘जेव्हा त्याने श्रीलंकेत पदार्पण केले होते, तेव्हा मला आठवते की तो पदार्पणाच्या सामन्यात लवकर आऊट झाला होता. पण तो ज्या पद्धतीने नेटमध्ये खेळायचा त्यावरुन मला माहित होते की, तो एक असा खेळाडू आहे जो देशासाठी दीर्घकाळ खेळेल. त्याच्याकडे इतकी प्रतिभा होती की तो जे काही करत होता त्याबद्दल मला आश्चर्य वाटत नव्हते.’

गौतम गंभीर पुढे म्हणाला, ‘तो एक महान खेळाडू आहे. त्याला आपल्या संघाला सामने कसे जिंकून द्यायचे, हे त्याला चांगल्या प्रकारे माहित आहे. त्याची वृत्ती आणि स्वभाव चांगला आहे. सुरुवातीला भारतीय संघात आल्यानंतर तो ज्या प्रकारे भारताला सामने जिंकून देत होता, हे त्याच्या संपूर्ण क्रिकेट कारकिर्दीसाठी सर्वात मोठ्या सकारात्मक गोष्टी ठरल्या.’

हेही वाचा – Mayank Yadav : ‘तो टीम इंडियात असेल…’, बीसीसीआयचे सचिव जय शाहांचे मयंक यादवबद्दल मोठे वक्तव्य; म्हणाले, आम्ही त्याच्यावर…

विराट कोहलीने श्रीलंकेविरुद्ध केले होते आंतरराष्ट्रीय पदार्पण –

१८ ऑगस्ट २००८ रोजी विराट कोहलीने श्रीलंकेविरुद्ध पहिला एकदिवसीय सामना खेळला. त्यानंतर त्याने टीम इंडियासाठी सलामी दिली होती. पहिल्या एकदिवसीय सामन्यात त्याने २२ चेंडूत १२ धावा केल्या, ज्यात एका चौकाराचा समावेश होता. कोहलीने आंतरराष्ट्रीय क्रिकेटमध्ये पदार्पण केले, तेव्हा टीम इंडियाची धुरा महेंद्रसिंग धोनीच्या हाती होती. ज्या सामन्यातून विराट कोहलीने आंतरराष्ट्रीय क्रिकेटमध्ये पदार्पण केले. त्या सामन्यातील भारताच्या प्लेइंग इलेव्हनमधील ९ खेळाडूंनी आता आंतरराष्ट्रीय क्रिकेटमधून निवृत्ती घेतली आहे. त्यापैकी रोहित शर्मा हा एकमेव खेळाडू आहे जो अजूनही आंतरराष्ट्रीय क्रिकेटमध्ये खेळत आहे.

हेही वाचा – विनेश फोगटने गावात पोहोचल्यावर काका महावीर यांना मारली मिठी; म्हणाली, ‘लढा अजून संपलेला नाही…’, पाहा VIDEO

विराट कोहलीच्या पदार्पणाच्या सामन्यातील प्लेइंग इलेव्हन:

गौतम गंभीर, विराट कोहली, सुरेश रैना, युवराज सिंग, रोहित शर्मा, महेंद्रसिंग धोनी (कर्णधार), इरफान पठाण, हरभजन सिंग, झहीर खान, प्रज्ञान ओझा, मुनाफ पटेल.