इंग्लंडविरुद्ध गेलचा षटकारांचा पाऊस, अनोख्या विक्रमाची नोंद

तब्बल 18 महिन्यांच्या कालावधीनंतर विंडीजच्या वन-डे संघात पुनरागमन करणाऱ्या ख्रिस गेलने इंग्लंडविरुद्ध धडाकेबाज शतकी खेळी करत सर्वांना आपली दखल घ्यायला भाग पाडली. ख्रिस गेलने 135 धावांची खेळी केली, ज्यामध्ये 12 षटकारांचा समावेश होता. यादरम्यान गेलने आंतरराष्ट्रीय क्रिकेटमध्ये सर्वाधिक षटकार ठोकणाऱ्या फलंदाजांच्या यादीत पाकच्या शाहीद आफ्रिदीला मागे टाकत पहिलं स्थान मिळवलं. याचसोबत गेलने आणखी एक विक्रम आपल्या नावे जमा केला आहे. एका प्रतिस्पर्धी संघाविरोधात आंतरराष्ट्रीय क्रिकेटमध्ये 100 षटकार ठोकणारा गेल पहिला फलंदाज ठरला आहे.