जर्मन खुली बॅडिमटन स्पर्धा: भारताचे आव्हान पहिल्याच फेरीत संपुष्टात

पहिल्या फेरीत राष्ट्रीय विजेत्या मंजुनाथने पराभवापूर्वी सिंगापूरच्या चौथ्या मानांकित लोह किन येऊला चांगला प्रतिकार केला. तीन गेमपर्यंत रंगलेल्या लढतीत लोहने मंजुनाथचा २१-८, १९-२१, २१-११ असा पराभव केला. ही लढत ५९ मिनिटे चालली. सहाव्या मानांकित लक्ष्यला फ्रान्सच्या ख्रिस्तो पोपोवने १९-२१, १६-२१ असे ४६ मिनिटात नमवले. बरोबरीत चालणाऱ्या पहिल्या गेममध्ये लक्ष्यला निर्णायक क्षणी आपला खेळ उंचावता आला नाही. पहिला गेम १९-१९ अशा बरोबरीत असताना लोहने सलग दोन गुण घेतले. त्यानंतर दुसऱ्या गेमला लक्ष्यला प्रतिस्पध्र्याचा सामनाच करता आला नाही.