GG vs MI Highlights : मुंबई इंडियन्सने दुसऱ्या सामन्यात उघडले विजयाचे खाते, गुजरात जायंट्सवर मिळवला एकतर्फी विजय

मुंबई इंडियन्सने २३ चेंडू शिल्लक असताना गुजरात जायंट्सचा पाच विकेट्सने पराभव केला

https://twitter.com/wplt20/status/1891904235702550813

मुंबई इंडियन्सने गुजरात जायंट्सवर ५ विकेट्सनी विजय मिळवत डब्ल्यूपीएल २०२५ मधील विजयाचे खाते उघडले. या सामन्यात मुंबई इंडियन्स नाणेफेक जिंकून गुजरात जायंट्सला प्रथम फलंदाजीसाठी आमंत्रित केले होते. यानंतर मुंबई इंडियन्स गुजरात १२० धावांवर गारद केले. गुजरातसाठी हरलीने सर्वाधिक धावांचे योगदान दिले. तसेच मुंबईकडून हेली मॅथ्यूजने सर्वाधिक ३ विकेट्स घेतल्या. मुंबईने १६.१ षटकांत ५ गडी गमावून नॅट सिव्हर ब्रंटच्या अर्धशतकाच्या जोरावर १२२ धावा करत विजयावर शिक्कामोर्तब केला. यासह मुंबईने डब्ल्यूपीएलमधील इतिहासातील गुजरातविरुद्ध सलग पाचवा विजय नोंदवला आहे.

अमेलिया करच्या रुपाने मुंबई इंडियन्सला चौथा धक्का बसला आहे. तिला १९ धावांवर काशवी गौतमने बाद केले. ही तिची दुसरी विकेट ठरली. १५ षटकांनंतर मुंबई इंडियन्सचा धावसंख्या १०४/४ आहे. नॅट ५२ धावांवर आहे आणि सजीवन सजाना २ धावांवर खेळत आहे. मुंबई इंडियन्सना ३० चेंडूत ३.४ प्रति षटकाच्या दराने १७ धावा हव्या आहेत. आवश्यक धावगती ३.४० आहे.

१२ षटकांनंतर मुंबई इंडियन्सची धावसंख्या ७८/३ धावा आहे. नॅटली सियव्हर-ब्रंट ४१ धावा काढल्यानंतर खेळत आहे आणि अमेलिया केर ६ धावा काढल्यानंतर खेळत आहे. मुंबई इंडियन्सला ४८ चेंडूत ६.६ प्रति षटकाच्या सरासरीने ४३ धावांची आवश्यकता आहे. आवश्यक धावगती ५.२८ आहे.

मुंबई इंडियन्सला सर्वात मोठा झटका कर्णधार हरमनप्रीत कौरच्या रुपाने बसला. तिला ४ धावांवर काशवी गौतमने पायचित केले. आता८ षटकांनंतर मुंबई इंडियन्सची धावसंख्या ५५/३ धावा आहे. अमेलिया कर शून्य धावांवर नॅट २४ धावांवर खेळत आहेत. मुंबई इंडियन्सना ७२ चेंडूत ५.५ प्रति षटकाच्या दराने ६६ धावांची आवश्यकता आहे. आवश्यक धावगती ५.५० आहे.

https://twitter.com/InsideSportIND/status/1891889141920506000

पॉवरप्लेच्या समाप्तीनंतर मुंबई इंडियन्सची धावसंख्या ३१/१ धावा आहे. नॅट १० धावांवर आणि यास्तिका भाटिया ८ धावांवर खेळत आहे.

३ षटकांनंतर मुंबई इंडियन्सचा धावसंख्या १४/० धावा आहे. हेली मॅथ्यूज ९ आणि यास्तिका भाटिया ३ धावांवर खेळत आहे. मुंबई इंडियन्सना १०१ चेंडूत ६.११ प्रति षटकाच्या वेगाने १०३ धावांची आवश्यकता आहे. आवश्यक धावगती ६.२९ आहे.

गुजरात जायंट्सला नववा झटका बसला.हरली देवल (३२) पाठोपाठ तनुजा कुंबरही (१३) बाद झाली. त्यामुळे १८ षटकांत गुजरात जायंट्सचा धावसंख्या १०५/९ धावा आहे. प्रिया मिश्रा शून्य धावा काढल्यानंतर खेळत आहे आणि सायली सातघरे १ धाव काढल्यानंतर खेळत आहे.

गुजरातला सातवा धक्का बसला

हेली मॅथ्यूजने गुजरातला सातवा धक्का दिला. तिने सिमरन शेखला अमेलियाच्या हाती झेलबाद केले. तिला फक्त तीन धावा करता आल्या. तनुजा कंवर नवव्या क्रमांकावर फलंदाजीसाठी आली आहे. हरलीन देओल त्याला पाठिंबा देण्यासाठी आहे.

https://twitter.com/CricinfoHindi/status/1891867807626691047

१० षटकांनंतर गुजरात जायंट्सचा स्कोअर ५८/५ आहे. काशवी गौतम १२ धावा काढून खेळत आहे आणि हरलीन देओल ११ धावा काढून खेळत आहे.

गुजरातला चौथा धक्का बसला

अ‍ॅशले गार्डनरच्या रूपाने गुजरातला चौथा धक्का बसला. नॅट सिव्हर ब्रंटने तिला बाद केले. ती १० धावा काढून पॅव्हेलियनमध्ये परतली. डिआंड्रा डॉटिन सहाव्या क्रमांकावर फलंदाजीला येते. हरलीन देओल तिला पाठिंबा देण्यासाठी क्रीजवर उपस्थित आहे. सात षटकांनंतर धावसंख्या ३४/४ धावा आहे.

गुजरातने तिसरी विकेट गमावली

हेली मॅथ्यूजने गुजरातला तिसरा धक्का दिला. तिने दयालन हेमलताला आपला बळी बनवले. ती फक्त नऊ धावा करून पॅव्हेलियनमध्ये परतली. हरलीन देओल पाचव्या क्रमांकावर फलंदाजीसाठी आली आहे. तिला साथ देण्यासाठी अ‍ॅशले गार्डनर क्रीजवर आहे.

https://twitter.com/TheAllr0under/status/1891858515901215075

आज कोण मारणार बाजी?

https://twitter.com/wplt20/status/1891848506626724054

हरमनप्रीत कौरच्या नेतृत्वाखालील मुंबई इंडियन्स महिला प्रीमियर लीग (WPL) च्या या हंगामात त्यांच्या पहिल्या विजयाच्या प्रतिक्षेत आहे. गेल्या सामन्यात मुंबईला दिल्ली कॅपिटल्सविरुद्ध पराभव स्वीकारावा लागला. त्याचबरोबर गुजरातही मुंबईविरुद्ध डब्ल्यूपीएल इतिहासातील पहिला विजय मिळवण्यासाठी उत्सुक आहे. त्यामुळे कोण बाजी मारणार? पाहावे लागेल.

मुंबई इंडियन्सने नाणेफेक जिंकली आणि गोलंदाजी करण्याचा निर्णय घेतला

गुजरात जायंट्सविरुद्ध मुंबई इंडियन्सने नाणेफेक जिंकून प्रथम गोलंदाजी करण्याचा निर्णय घेतला. या सामन्याद्वारे, मुंबईसाठी दोन खेळाडू महिला प्रीमियर लीगमध्ये पदार्पण करत आहेत. यामध्ये जी कमलिनी आणि पारुनिका सिसोदिया यांचा समावेश आहे. दोघीनाही प्लेइंग ११ मध्ये समाविष्ट करण्यात आले आहे. दरम्यान, गुजरातची कर्णधार अ‍ॅशले गार्डनर म्हणाली की तिच्या प्लेइंग ११ मध्ये कोणताही बदल केलेला नाही.

दोन्ही संघ पुढीलप्रमाणे आहेत:

मुंबई इंडियन्स: हरमनप्रीत कौर (कर्णधार), अक्षिता माहेश्वरी, अमनदीप कौर, अमनजोत कौर, अमेलिया केर, क्लो ट्रायॉन, हेली मॅथ्यूज, जिंतीमणी कलिता, कीर्तना बालकृष्णन, नदीन डी क्लार्क, नताली सायव्हर-ब्रंट, पारुनिका सिसोदिया, सजीवन सजना, संस्कृती गुप्ता, जी कमलिनी (यष्टीरक्षक), यास्तिका भाटिया (यष्टीरक्षक), सईका इशाक, शबनम इस्माइल.

https://twitter.com/wplt20/status/1891802064323268940

गुजरात जायंट्स: अ‍ॅशले गार्डनर (कर्णधार), भारती फुलमाली, लॉरा वोल्वार्ड, फोबी लिचफिल्ड, सिमरन शेख, डॅनिएल गिब्सन, दयालन हेमलता, डिआंड्रा डॉटिन, हरलीन देओल, सायली सतघरे, तनुजा कंवर, बेथ मुनी (यष्टीरक्षक), काशवी गौतम, मन्नत कश्यप, मेघना सिंग, प्रकाशिका नाईक, प्रिया मिश्रा, शबनम शकील.

मुंबईच्या फलंदाजांना चांगली कामगिरी करावी लागेल.

https://twitter.com/wplt20/status/1891827505184768405

दिल्ली कॅपिटल्सविरुद्ध शेवटच्या चेंडूवर पराभव झाला असला तरी, नॅट सायव्हर ब्रंट आणि कर्णधार हरमनप्रीत कौर यांचे प्रदर्शन कौतुकास्पद होते. दुखापतीनंतर पुनरागमन करणारी सलामीवीर यास्तिका भाटियाला धावा कराव्या लागतील, तर खालच्या मधल्या फळीत सजीवन सजना आणि अमनजोत कौर यांची बॅट शांत आहे. कर्णधार हरमनप्रीत कौरला मधल्या फळीत कोणतीही साथ मिळाली नाही, ज्यामुळे मुंबई इंडियन्स सामना गमावला. ती म्हणाली, एकाला तरी पूर्ण २० षटके खेळावी लागतात आणि फलंदाजाला डावाच्या शेवटपर्यंत टिकून राहावे लागते. मीही शेवटपर्यंत खेळायला हवे होते.