Yuzvendra Chahal & Dhanashree Karwa Chauth:करवाचौथच्या निमित्ताने बॉलिवूड सेलिब्रिटींचे पारंपरिक रूप पाहायला मिळाले, अगदी कतरिनाचा लाल चूडा भरलेला फोटो ते अंकिता लोखंडे सर्वांनी आपल्या अहोंसह सुंदर फोटो शेअर केले होते. याच निमित्ताने युजवेंद्र चहल व धनश्री वर्माचा एक खास व्हिडीओ सोशल मीडियावर व्हायरल होत आहे. अनेक महिन्यांपासून या जोडप्यात फूट पडल्याच्या बातम्यांना आता अखेरीस या व्हिडीओने पूर्णविराम दिला आहे. सध्या टी २० विश्वासचषकासाठी युजवेंद्र चहल ऑस्ट्रेलियात आहे. अशावेळी भारतातून धनश्रीने शेअर केलेला हा व्हिडीओ चाहत्यांना प्रचंड आवडला आहे.
धनश्रीने काल युजवेंद्रसाठी करवाचौथचे व्रत करून लाडक्या पतीला व त्यांच्या चाहत्यांना गोड सरप्राईझ दिलं. अगदी पारंपरिक पद्धतीने करवाचौथचे व्रत सोडण्यासाठी धनश्रीने युझीला व्हिडीओ कॉल केला होता. अगदी काही सेकंदाची हि क्लिप सोशल मीडियावर खूप व्हायरल होत आहे. यावर अनेकांनी कमेंट करून तुम्ही नेहमीच एकत्र राहा, एकत्र तुम्ही छान दिसता अशा कमेंट केल्या आहेत. साहजिकच यावर ट्रोलर्सनेही निशाणा साधून आता हि नाटकं बंद करा, अती होतंय असेही लिहिले आहे पण धनश्री- युजवेंद्रने आपल्या सुंदर केमिस्ट्रीने या ट्रोलर्सना उत्तर दिले आहे.
धनश्रीने व्हिडीओ शेअर करून यावर इंडिया ते ऑस्ट्रेलियामधील करवाचौथ असं कॅप्शन दिलं आहे.
Video: शुबमन गिल व सारा अली खानचा हॉटेलमधील ‘तो’ क्षण होतोय तुफान Viral, कॅमेरा बघताच दोघांनी…
दरम्यान, टी २० विश्वचषकासाठी युजवेंद्र चहल भारताची भक्कम बाजू ठरू शकतो. एकीकडे जसप्रीत बुमरा, रविंद्र जडेजा, दीपक चहर हे वेगवान गोलंदाज भारतीय संघातून दुखापतीमुळे बाहेर पडले आहेत, अशावेळी चहलच्या खांद्यावर टीम इंडियाच्या गोलंदाजीची मोठी जबाबदारी आहे. विश्वचषकात धनश्री ऑस्ट्रेलियात स्टेडियममध्ये दिसणार का आणि धनश्रीला पाहून चहलचा परफॉर्मन्स दमदार होणार का याविषयीही अनेकांनी कमेंटमध्ये विचारणा केली आहे.
