विजयाच्या उंबरठय़ावरून दिल्लीची माघार

मॉरिसच्या अष्टपैलू खेळानंतरही पराभव; गुजरातचा एका धावेने विजय
ख्रिस मॉरिसच्या अष्टपैलू खेळानंतरही दिल्ली डेअरडेव्हिल्सला इंडियन प्रीमिअर लीगमध्ये बुधवारी गुजरात लायन्स़विरुद्ध विजयाच्या उंबरठय़ावरून माघारी परतावे लागले. अखेरच्या षटकात विजयासाठी १४ धावांची आवश्यकता असताना दिल्लीला केवळ १२ धावाच करता आल्या आणि अवघ्या एका धावेने त्यांना पराभव पत्करावा लागला. दोन बळी टिपणाऱ्या मॉरिसने ३२ चेंडूंत ४ चौकार आणि ८ षटकारांची आतषबाजी करून नाबाद ८२ धावा चोपल्या. विजयासाठी १७२ धावांचा पाठलाग करताना दिल्लीने ५ बाद १७१ धावा केल्या.
ब्रेंडन मॅक्क्युलम आणि ड्वेन स्मिथ यांच्या धमाकेदार सुरुवातीनंतरही दिल्लीने गुजरातला निर्धारित २० षटकांत ६ बाद १७२ धावांवर समाधान मानण्यास भाग पाडले. मॅक्क्युलम आणि स्मिथ या जोडीने पहिल्या दहा षटकांत ११२ धावा केल्या. इम्रान ताहिर व ख्रिस मॉरिसने गुजरातच्या धावगतीवर चाप बसवला. ५३ धावा कुटणाऱ्या स्मिथला त्याने पायचीत केले. त्यापाठोपाठ मॅक्क्युलमही माघारी परतला. मॅक्क्युलमने ३६ चेंडूंत ६० धावा चोपल्या.
प्रत्युत्तरात दिल्लीचे आघाडीचे फलंदाज झटपट बाद झाले. जे. पी. डय़ुमिनी आणि रिषभ पंत यांनी संघाची गाडी रुळावर आणली. अखेरच्या काही षटकांत डय़ुमिनी आणि ख्रिस मॉरिस यांनी गुजरातच्या गोलंदाजांवर प्रहार केला. मॉरिसने अवघ्या १७ चेंडूंत अर्धशतक झळकावून यंदाच्या हंगामातील जलद अर्धशतकाची नोंद केली. ४३ चेंडूंत ४८ धावांची उपयुक्त खेळी करणाऱ्या डय़ुमिनीला ड्वेन ब्राव्होने बाद करून सामन्यातील चुरस वाढवली. मात्र मॉरिसच्या आतषबाजीमुळे दिल्लीला विजयाच्या उंबरठय़ावर नेऊन ठेवले होते.

संक्षिप्त धावफलक
गुजरात लायन्स : ६ बाद १७२ (ड्वेन स्मिथ ५३, ब्रेंडन मॅक्क्युलम ६०; ख्रिस मॉरिस २/३५, इम्रान ताहीर ३/२४) विजयी वि. दिल्ली डेअरडेव्हिल्स : ५ बाद १७१ (जे. पी. डय़ुमिनी ४८, रिषभ पंत २०, ख्रिस मॉरिस नाबाद ८२; धवल कुलकर्णी ३/१९)
सामनावीर : ख्रिस मॉरिस.

आणखी वाचा

ENG vs WI: वेस्ट इंडिजचा इंग्लंडवर ऐतिहासिक विजय! संथ सुरूवातीनंतर षटकारांचा पाऊस, कॅरेबियन संघाने मोडला ७ वर्षे जुना विक्रम

महायुतीला सत्ता मिळाली, लाडक्या बहिणींना २१०० रुपये कधीपासून…

भारताचा दणदणीत विजय; तिलक वर्मा व संजू सॅमसनची धमाकेदार कामगिरी

लक्षवेधी लढत : यशोमती ठाकूर यांच्यासमोर भाजपचे आव्हान

IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी

IND vs SA: भारताचा दक्षिण आफ्रिकेवर विक्रमी १३५ धावांनी मोठा विजय, मालिकाही जिंकली

IND vs SA 3rd T20 Highlights : रोमहर्षक सामन्यात भारताने मारली बाजी! तिलक वर्माचा शतकी तडाखा, मालिकेत २-१ घेतली आघाडी