‘टीम इंडिया’त निवडल्या गेलेल्या हनुमा विहारीने मैदानावर उतरण्याआधीच केला ‘हा’ पराक्रम

हनुमा विहारीला अद्याप आंतरराष्ट्रीय क्रिकेटचा अनुभव नसून भारत इंग्लंड कसोटी सामन्यात तो प्रथमच आंतरराष्ट्रीय क्रिकेट खेळणार आहे. हनुमा विहारी हा अष्टपैलू खेळाडू आहे. नुकत्याच झालेल्या दक्षिण आफ्रिका अ संघाविरुद्धच्या सामन्यात हनुमाने ५४ धावांची खेळी केली होती. तर याच संघाविरुद्ध झालेल्या अनौपचारिक कसोटी सामन्यात त्याने १४८ धावांची जोरदार खेळीही केली होती.

या दोन सामन्यात हनुमाला संधी मिळेल की नाही याबाबत खात्री नसली, तरी मैदानावर उतरण्याआधीच हनुमाने एक पराक्रम केला आहे. हनुमाच्या निमित्ताने भारतीय कसोटी संघात १९ वर्षानंतर आंध्र प्रदेशच्या एखाद्या खेळाडूची निवड झाली आहे. याआधी भारतीय संघाचे सध्याचे निवड समिती अध्यक्ष एमएसके प्रसाद हे भारतीय संघाकडून खेळले होते.

दरम्यान, दुखापतीने ग्रस्त असलेला अश्विन जर सामान्यापर्यंत तंदुरुस्त झाला नाही, तर हनुमाला अंतिम संघात स्थान मिळवता येऊ शकते. तो उद्या सकाळी इंग्लंडला प्रयाण करणार असून २४ ऑगस्टला इंग्लंडमध्ये दाखल होणार आहे, अशी माहितीही त्याने दिली आहे.