विजय हजारे चषकात हरभजन सिंहकडे पंजाबचं नेतृत्व, युवराज सिंह उप-कर्णधार

भारतीय संघाचा माजी फिरकीपटू हरभजन सिंहकडे विजय हजारे चषकात पंजाबचं नेतृत्व सोपवण्यात आलेलं आहे. ७ ते १६ फेब्रुवारीदरम्यान कर्नाटकच्या अलुर येथे ही स्पर्धा खेळवण्यात येणार आहे. यासाठी पंजाबच्या संघाची नुकतीच घोषणा करण्यात आली. या स्पर्धेसाठी युवराज सिंहकडे संघाच्या उप-कर्णधार पदाची जबाबदारी सोपवण्यात आलेली आहे. या स्पर्धेत पंजाब ७ फेब्रुवारीरोजी आपला पहिला सामना हरयाणाविरुद्ध खेळणार आहे.