India vs West Indies 2nd ODI Match Updates: भारत आणि वेस्ट इंडिज संघांत तीन सामन्यांच्या वनडे मालिकेतील दुसरा सामना बार्बाडोसमधील केन्सिंग्टन ओव्हलवर खेळला जात आहे. या सामन्यात वेस्ट इंडिजने नाणेफेक जिंकून प्रथम गोलंदाजी करण्याचा निर्णय घेतला. भारतीय संघाकडून या सामन्यात इशान किशनने अर्धशतक झळकावले. यानंतर अॅलिक अथानाझने रोमॅरियो शेफर्डच्या गोलंदाजीवर अप्रतिम झेल पकडला आणि किशन तंबूत पाठवले. या झेलचा व्हिडीओ आता व्हायरल होत आहे.
प्रथम फलंदाजी करणाऱ्या भारतीय संघाकडून शुबमन गिल आणि इशान किशनने पहिल्या विकेटसाठी ९० धावांची भागीदारी केली. भारतीय संघाला शुबमन गिलच्या रुपाने पहिला धक्का बसला. शुबमन गिल ४९ चेंडूत ५ चौकारांच्या मदतीने ३४ धावा काढून बाद झाला. त्यानंतर पुढच्याच षटकांत रोमॅरियो शेफर्डने इशान किशनला बाद करत भारताला दुसरा धक्का दिला.
इशान किशनने ५५ चेंडूत ५५ धावांची खेळी केली. त्याने या खेळी दरम्यान ६ चौकार आणि १ षटकार लगावला. त्याला १८व्या षटकाच्या तिसऱ्या चेंडूवर रोमॅरियो शेफर्डने अॅलिक अथानाझच्या हाती झेलबाद केले. अॅलिक अथानाझने डायव्हिंग करत जबरदस्त झेल घेतला. या घटनेचा व्हिडीओ आता व्हायरल होत आहे. त्यानंतर याच षटकांत रोमॅरियो शेफर्डने भारताला अक्षर पटेलच्या रुपाने तिसरा धक्का दिला. तो एक धाव काढून बाद झाला.
हेही वाचा – IND vs WI 2nd ODI: ‘…म्हणून रोहित शर्मा आणि विराट कोहलीला विश्रांती दिली’; हार्दिक पांड्याने सांगितले कारण
टीम इंडियाला सलग दोन धक्के बसले. हार्दिक पांड्यानंतर संजू सॅमसन बाद झाला. हार्दिक १४ चेंडूत ७ धावा करून बाद झाला. संजू सॅमसन १९ चेंडूत ९ धावा करून पॅव्हेलियनमध्ये परतला. भारताने २४.१ षटकात ५ बाद ११३ धावा केल्या आहेत. पावसामुळे खेळ थांबला आहे. कव्हर्स मैदानावर आले आहेत.
भारताची प्लेइंग इलेव्हन: शुबमन गिल, इशान किशन (विकेटकीपर), संजू सॅमसन, हार्दिक पांड्या (कर्णधार), सूर्यकुमार यादव, रवींद्र जडेजा, अक्षर पटेल, शार्दुल ठाकूर, कुलदीप यादव, उमरान मलिक, मुकेश कुमार
वेस्ट इंडीज प्लेइंग इलेव्हन: ब्रॅंडन किंग, काइल मेयर्स, अॅलिक अथानाझ, शाई होप (विकेटकीपर), शिमरॉन हेटमायर, केसी कार्टी, रोमॅरियो शेफर्ड, यानिक कारिया, गुडाकेश मोती, अल्झारी जोसेफ, जेडेन सील्स
