कसोटीत अष्टपैलू होण्यासाठी हार्दिक पांड्याला अवकाश – मायकल होल्डिंग

अवश्य वाचा – Ind vs Eng : ‘हार्दिक पांड्या ऑल राउंडर नाही’, हरभजन सिंगचे टीकास्त्र

“भारताच्या आक्रमणात मला म्हणावी तशी धार दिसली नाही. गोलंदाजीत मदत होण्यासाठी भारत हार्दिक पांड्याला अष्टपैलू खेळाडू म्हणून खेळवत आले, मात्र दुर्दैवाने हार्दिक अष्टपैलू खेळाडू्ला साजेशी गोलंदाजी करतच नाहीये. हार्दिक जर चांगला फलंदाज आहे, आणि त्याला फलंदाजीत ज्या क्रमांकावर संधी मिळतेय तिकडे त्याने चांगल्या धावा काढायला हव्यात. प्रत्येक वेळी खेळाडूने शतक ठोकायलाच हवं अशातला भाग नाही, कित्येकदा तुमची ५०-६० धावांची खेळी संघाच्या विजयात महत्वाचा हातभार लावून देते. गोलंदाजीत हार्दिकने विकेट घेणं अपेक्षित आहे. असं झालं असतं तर चांगलचं होतं, मात्र दुर्दैवाने असं घडताना दिसत नाहीये.” होल्डिंग यांनी आपलं स्पष्ट मत मांडलं.

“हार्दिकच्या गोलंदाजीत वैविध्य आहे असं मला वाटत नाही. तो एका षटकात २-३ चेंडू चांगले टाकतो, मात्र त्याच्या कामगिरीत सातत्य नाही. फलंदाजाला दबावात टाकेल अशी गोलंदाजी हार्दिक करत नाही. जर तुमचा कर्णधार तुमच्यावर एक जबाबदारी सोपवत असेल, आणि तुम्ही स्वतःला अष्टपैलू म्हणवून घेत असाल तर तुम्ही त्या दर्जाची कामगिरी करणं गरजेचं आहे. मात्र, मला हार्दिक आताच्या घडीला कोणत्याही प्रकारे अष्टपैलू खेळाडू वाटत नाही.” तिसऱ्या कसोटीसाठी होल्डिंग यांनी हार्दिक पांड्याएवजी संघात अतिरीक्त गोलंदाज किंवा फलंदाज खेळवा अशी सुचनाही भारतीय संघाला दिली आहे.