Hardik Pandya Viral Video of Anant-Radhika Wedding: अनंत अंबानी आणि राधिका मर्चंट यांचा शाही विवाह सोहळा मुंबईत पार पडला. या सोहळ्यासाठी जगभरातील मोठमोठे कलाकार पोहोचले आहेत. त्याप्रमाणे भारतीय क्रिकेटपटूही पोहोचले होते. याच लग्नसोहळ्यातील अनेक विविध फोटो, व्हीडिओ व्हायरल होत आहेत. यादरम्यानचा भारतीय संघाचा स्टार अष्टपैलू खेळाडू हार्दिक पंड्याचा एक व्हीडिओ सोशल मीडियावर खूप वेगाने व्हायरल होत आहे. यादरम्यान तो लग्नसोहळ्यात टकिलाची ऑर्डर देतानाचा त्याचा व्हीडिओ चांगलाच व्हायरल होत आहे.
हेही वाचा – James Anderson: कोणासमोर गोलंदाजी करणं अवघड? ‘या’ दिग्गज भारतीय खेळाडूचं नाव घेत अँडरसन म्हणाला…
हार्दिक पंड्या विविध सेलिब्रिटींसह तिथे उभा होता. व्हायरल होत असलेल्या व्हिडिओमध्ये काही प्रसिद्ध बॉलीवूड सेलिब्रिटी देखील आहेत. यामध्ये रणबीर कपूरपासून ते अर्जुन कपूर आणि कतरिना कैफ तर सुप्रसिध्द अभिनेता महेश बाबू आणि त्याचे कुटुंबीयही आहेत. हे सर्वजण एकमेकांशी गप्पा मारत भेटताना दिसत आहेत. यादरम्यान हार्दिक आणि शिखर पहारियाचा भाऊ हातवारे करून ड्रिंक मागत होते. त्यानंतर वेटर त्यांच्या जवळ येताच हार्दिकने टकिला टकिला, दोन टकिला अशी ऑर्डर दिली. या व्हीडिओमध्ये हार्दिकचा आवाजही स्पष्ट ऐकू येत आहे.
अलीकडेच, टीम इंडियाने टी-२० विश्वचषक २०२४ मध्ये उत्कृष्ट कामगिरी करून जेतेपद पटकावले आहे. अंतिम सामन्यात पंड्याची येथे कामगिरी वाखाणण्याजोगी होती. हार्दिकने संपूर्ण हंगामात बॅट आणि बॉल दोन्हीसह चमकदार कामगिरी करत संघाच्या विजयात मोठे योगदान दिले. फलंदाजी करताना पंड्याने एकूण ६ डावांमध्ये एका अर्धशतकासह १४४ धावा केल्या. गोलंदाजी करताना त्याला ८ डावांत ११ विकेट मिळवले. अंतिम सामन्यात २० धावा देत ३ विकेट ही त्याची स्पर्धेतील सर्वोत्तम गोलंदाजी संख्या होती.
विश्वचषक २०२४ सुरू होण्यापूर्वीचे सहा महिने हार्दिकसाठी खूपच अवघड होते. आयपीएल २०२४ मध्ये हार्दिक पंड्याची रोहित शर्माच्या जागी मुंबई इंडियन्सचा कर्णधार म्हणून निवड केली, हा निर्णय चाहत्यांना अजिबातचं आवडला नाही. आयपीएलमध्ये वानखेडेवर खेळताना पंड्याला चाहत्यांच्या रोषाला सामोरे जावे लागले. चाहते भर स्टेडियमध्ये हार्दिकची हुर्याे उडवत होते. पण हार्दिकच्या उत्कृष्ट टी-२० विश्वचषक मोहिमेनंतर परिस्थिती बदलली.
