हार्दिक-नताशाच्या घटस्फोट प्रकरणात मोठी अपडेट, पंड्याच्या बायकोने इन्स्टाग्रामवर पुन्हा केला बदल, ‘ते’ फोटो…

हार्दिक पंड्या सध्या टी-२० विश्वचषकासाठी भारतीय संघासोबत न्यूयॉर्कमध्ये आहे, तर नताशा भारतातच आहे. आता नतासा स्टॅनकोविकने तिच्या इंस्टाग्राम प्रोफाइलवर हार्दिकसोबतचे तिचे सर्व फोटो रिस्टोर केले आहेत. ज्यात व्हॅलेंटाईन डे आणि त्यांच्या लग्नाच्या खास क्षणांच्या फोटोंचा समावेश आहे. नताशाने अचानक फोटो रिस्टोर केल्याने चाहत्यांमध्ये आता वेगळीच चर्चा सुरू आहे. हार्दिक नताशाचा घटस्फोट होणार नसल्याच्या चर्चा सुरू झाल्या आहेत.

हेही वाचा – T20 WC 2024: वर्ल्डकपमध्ये सुपर ओव्हरचा थरार; डेव्हिड व्हिसा ठरला नामिबियाच्या विजयाचा शिल्पकार

नताशाने सुरूवातीला हार्दिकबरोबरचे फोटो आणि आडनाव हटवल्याने त्यांच्या घटस्फोटाच्या चर्चा सुरू झाल्या होत्या. दरम्यान, हार्दिकचा भाऊ कृणाल पांड्याने त्याचा मुलगा आणि हार्दिक नताशाचा मुलगा अगस्त्यसोबत खेळतानाचा एक गोड फोटो शेअर केला होता. त्यावर नताशाने हार्ट इमोजीसह कमेंटही केली होती. तर हार्दिक पंड्या आयपीएलनंतर भारतात नसून एकटाच अज्ञात स्थळी फिरायला गेल्याचे वृत्त समोर आले होते. तर नताशा आणि अगस्त्य भारतातच होते. नताशा आणि हार्दिकमध्ये सध्या बिनसलेलं असतानाही त्यांचा मुलगा अगस्त्य हा कृणाल पंड्या आणि पंखुरीसोबत होता, ज्याचे फोटो-व्हीडिओ वेळोवेळी पाहायला मिळाले.

हार्दिक पंड्यापासून विभक्त झाल्यामुळे क्रिकेटपटूचे चाहते त्याची पत्नी नताशावर फसवणूक केल्याचा आरोप करत होते. दरम्यान, नताशा स्टॅनकोविकचे नाव अलेक्झांडर ॲलेक्ससोबतही जोडले जात होते. हार्दिक पांड्यापासून विभक्त झाल्याची बातमी समोर आल्यानंतर नताशा अलेक्झांडर ॲलेक्ससोबत अनेकदा दिसली. या दोघांचा व्हीडिओही चांगलाच व्हायरल झाला होता.