माझा हार्दिक साधाभोळा आहे ! वडिलांकडून पांड्याची पाठराखण

“हार्दिकने केलेल्या वक्तव्याचा लोकांनी जास्त विचार करण्याची गरज नाही. तो एक मनोरंजनात्मक कार्यक्रम होता, आणि तिकडे हार्दिकने केलेलं वक्तव्य हे गमतीत केलं होतं. प्रेक्षकांचं मनोरंजन हा एकमेव हेतू त्यामागे होता. त्यामुळे त्याचं वक्तव्य गांभीर्याने घेण्याची गरज नाही. हार्दिक खरंच भोळा आहे.” हिमांशू पांड्यांनी आपल्या मुलाची बाजू मांडली.

कसोटी मालिकेत 2-1 ने बाजी मारल्यानंतर भारत आणि ऑस्ट्रेलिया यांच्यात शनिवारपासून 3 वन-डे सामन्यांची मालिका सुरु होते आहे. हार्दिक आणि लोकेश राहुल या दोन्ही खेळाडूंनी वन-डे संघामध्ये निवड झाली आहे. मात्र कॉफी विथ करण कार्यक्रमात केलेलं वक्तव्य आणि त्यानंतर प्रशासकीय समितीने केलेली 2 सामन्यांच्या बंदीची शिफारस यामुळे हार्दिक आणि राहुलला संघात स्थान मिळणार का हे पाहणं महत्वाचं ठरणार आहे.