ICC T20 क्रमवारीत भारताच्या लेकींची कमाल, हरमनप्रीत कौर आणि शेफाली वर्माची मोठी झेप

ICC Rankings: ICC ने महिलांची टी-२० क्रमवारी जाहीर केली आहे. आशिया कप २०२४ मध्ये भारतीय खेळाडूंच्या चांगल्या कामगिरीचा फायदा या क्रमवारीत झाला आहे.

आयसीसी महिला टी-२० रँकिंग (फोटो-बीसीसीआय)

ICC T20 Women’s Rankings: सध्या श्रीलंकेत महिला टी-२० आशिया कप खेळला जात आहे. भारतीय संघाने आपले सलग दोन सामने जिंकून उपांत्य फेरीच्या दिशेने वाटचाल कायम ठेवली आहे, आज हा संघ आपला तिसरा सामना नेपाळसोबत खेळताना दिसणार आहे. भारतीय संघ उत्कृष्ट कामगिरी करत असून यंदाचा आशिया कप जिंकण्याचा प्रबळ दावेदार मानला जात आहे. दरम्यान नवीन ICC T20 Rankings जाहीर झाली आहे. याचा फायदा भारतीय खेळाडूंना होताना दिसत आहे. विशेषत: भारतीय महिला संघाची कर्णधार हरमनप्रीत कौर आणि शेफाली वर्मा यांनी मोठी झेप घेतली आहे.

हेही वाचा – Olympics 2024: ऑलिम्पिकच्या लोगोमध्ये पाच वर्तुळ का असतात? काय आहे याचा अर्थ; जाणून घ्या

आणखी वाचा

IPL 2025 player auction list announced 574 cricketers set to feature with 204 slots available See Full List in Marathi

IPL 2025 Players Auction List: आयपीएल २०२५ च्या लिलावासाठी खेळाडूंची यादी जाहीर, २०४ जागांसाठी ५०० हून अधिक खेळाडूंवर लागणार बोली

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

India vs South Africa 4th T20 Live Updates in Marathi

IND vs SA: भारताचा दक्षिण आफ्रिकेवर विक्रमी १३५ धावांनी मोठा विजय, मालिकाही जिंकली

Australia Beat Pakistan by 29 Runs in 7 Over Game PAK vs AUS 1dt T20I Gabba Glenn Maxwell Fiery Inning

AUS vs PAK: ७ षटकांच्या सामन्यातही पाकिस्तानचा लाजिरवाणा पराभव, ऑस्ट्रेलियाच्या विजयात मॅक्सवेलची स्फोटक खेळी

Sanju Samson reach 39th position in ICC T20I rankings

Sanju Samson : संजू सॅमसनची आयसीसी टी-२० क्रमवारीत मोठी झेप! सलग दोन सामन्यात शतक झळकावत पटकावले ‘हे’ स्थान

India vs South Africa 2nd T20 Highlights in Marathi

IND vs SA 2nd T20I Highlights : रोमांचक सामन्यात यजमानांनी हिरावला भारताच्या तोंडचा घास, ट्रिस्टन स्टब्सच्या वादळी खेळीने फेरले वरुण चक्रवर्तीच्या मेहनतीवर पाणी

India vs South Africa 1st T20 Live Updates in Marathi

IND vs SA 1st T20 Highlights: दक्षिण आफ्रिका ऑलआऊट, भारताचा पहिल्या टी-२० सामन्यात दणदणीत विजय

ICC Test Rankings Rishabh Pant claims 6th spot in batting ranking Virat Kohli hits new low Rohit Sharma

ICC Test Rankings: ICC कसोटी क्रमवारीत मोठा बदल, ऋषभ पंतने ५ स्थानांनी घेतली झेप; रोहित-विराटला बसला जबर धक्का

भारतीय महिला क्रिकेट संघाची कर्णधार हरमनप्रीत कौर, शेफाली वर्मा आणि ऋचा घोष यांनी ICC T20 क्रमवारीत झेप घेतली आहे. श्रीलंकेत सुरू असलेल्या आशिया कप २०२४ मुळे टी-२० क्रमवारीत मोठे बदल दिसून आले आहेत. भारताने आतापर्यंत पाकिस्तान आणि यूएईवर मोठे विजय नोंदवले आहेत. कर्णधार हरमनप्रीत आणि सलामीवीर शेफाली टी-२० फलंदाजी क्रमवारीत अव्वल १० मध्ये स्थान मिळवण्याच्या जवळ पोहोचले आहेत. दोघीही आता संयुक्तपणे ११व्या क्रमांकावर आहेत.

शेफाली वर्माने पाकिस्तानविरुद्धच्या ४० धावांच्या खेळीनंतर चार स्थानांनी झेप घेतली आहे. यूएईविरुद्धच्या ६६ धावांच्या खेळीचा फायदा हरमनप्रीत कौरला झाला आहे. रिचा घोषने UAE विरुद्ध २९ चेंडूत ६४ धावांची नाबाद खेळी खेळली. यानंतर ती २८व्या स्थानावरून २४व्या स्थानावर पोहोचली आहे.

हेही वाचा – Rahul Dravid: पुन्हा प्रशिक्षकाच्या भूमिकेत दिसणार राहुल द्रविड? KKR नव्हे तर ‘या’ संघासह IPL मध्ये करणार पुनरागमन

गोलंदाजांबद्दल बोलायचे झाले तर भारतीय वेगवान गोलंदाज रेणुका सिंगने पाकिस्तानविरुद्ध १४ धावांत दोन विकेट घेतल्या. यानंतर ती १०व्या स्थानावरून नवव्या स्थानावर आली आहे, म्हणजेच तिने एका स्थानाची झेप घेतली आहे. दीप्ती शर्माने टी-२० मधील अष्टपैलू आणि गोलंदाजी क्रमवारीत तिसरे स्थान कायम राखले आहे, तर स्मृती मानधनाही पाकिस्तानविरुद्ध शानदार ४५ धावा करून पाचव्या स्थानावर कायम आहे.

स्मृती चौथ्या स्थानावर असलेल्या लॉरा वोल्वार्डपेक्षा अवघ्या पाच गुणांनी मागे आहे आणि आशिया चषक स्पर्धेतील उर्वरित सामन्यांमध्ये चांगली कामगिरी करून तिला क्रमवारीत झेप घेण्याची संधी आहे. टी-२० फलंदाजांमध्ये ऑस्ट्रेलियाची बेथ मुनी अव्वल स्थानावर आहे. गोलंदाजांमध्ये इंग्लंडची सोफी एक्लेस्टोन अव्वल स्थानावर आहे.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Harmanpreet kaur shafali verma rise to joint 11 in icc womens t20i rankings after asia cup 2024 performances bdg