होंडुरास हा दिग्गज फुटबॉल संघांच्या मांदियाळीत कधीच नव्हता. फिफाच्या प्रतिष्ठेच्या स्पर्धामध्येही होंडुरासचा संघ अभावानेच दिसायचा. पण गेल्या काही वर्षांपासून होंडुरासने फुटबॉल हा खेळ गांभीर्याने घेतला असून आंतरराष्ट्रीय स्तरावर त्यांची झालेली प्रगती पाहून त्याची प्रचीती नक्कीच येते. २००१च्या कोपा अमेरिका स्पर्धेला सुरुवात होण्याच्या एक दिवसआधी अर्जेटिनाने माघार घेतल्यामुळे शेवटच्या क्षणी होंडुरासला सहभागाची संधी मिळाली. पण या संधीचे सोने करत होंडुरासने तिसरे स्थान पटकावत संपूर्ण जगाला आपली दखल घेण्यास भाग पाडले.
कोंसासॅफ गटात असलेले मेक्सिको आणि अमेरिकेसारख्या संघाचे वर्चस्व पाहता, होंडुरास हा संघ फिफा क्रमवारीत अव्वल ५० जणांमध्ये कधीच नव्हता. त्यामुळे फिफा विश्वचषक स्पर्धेसाठी हा संघ कधी पात्र ठरेल, याची कुणालाही शाश्वती नव्हती. पण एक उभरता संघ म्हणून होंडुरासने केलेली प्रगती थक्क करणारी आहे. २०१०च्या फिफा विश्वचषक स्पर्धेसाठी वर्षभरापूर्वीच स्थान मिळवत होंडुरासने आपल्या गुणवत्तेची छाप पाडली. १९८२नंतर प्रथमच होंडुरास संघ फिफा विश्वचषकासाठी पात्र ठरला होता. आता बलाढय़ संघ बनवून त्यांनी ब्राझीलमध्ये होणाऱ्या फिफा विश्वचषकातही स्थान मिळवले आहे. पात्रता फेरीत मेक्सिको आणि पनामा या संघांना मागे टाकून होंडुरासने तिसऱ्यांदा फिफा विश्वचषकवारी पक्की केली. आता या वेळी होंडुरासकडून देशवासीयांना चांगल्या कामगिरीची अपेक्षा आहे. अनुभवी प्रशिक्षक लुइस फर्नाडो सुआरेझ यांनी इक्वेडोरला २००६मध्ये बाद फेरीत पोहाचवले होते. या वेळी ते होंडुरासला कितपय यश मिळवून देतात, याकडे सर्वाचे लक्ष लागले आहे.
होंडुरास (इ-गट)
*फिफा क्रमवारीतील स्थान : ३०
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
