भारतीय बॅडमिंटनपटू एचएस प्रणॉयने आज दोन स्थानांची सुधारणा करत ताज्या जागतिक बॅडमिंटन क्रमवारीत १५ वे स्थान मिळविले आहे. जागतिक अजिंक्यपद आणि जपान ओपन सुपर ७५० या स्पर्धांत प्रणोयने उपांत्यपूर्व फेरीपर्यंत मजल मारली होती, त्याचा फायदा झाला आहे.भारताचा नवा आशास्थान असलेला लक्ष्य सेन भारतीयांमधील सर्वात चांगले स्थान असलेला खेळाडू ठरला आहे. पुरुषांच्या क्रमवारीत तो नवव्या; तर किदांबी श्रीकांत ११ व्या स्थानावर आहे.
न्यूझीलंडमध्ये, उपांत्यपूर्व फेरीतील सौरभ वर्मानेही पाच स्थानांनी झेप घेत ३२व्या स्थानावर पोहोचले, तर पारुपल्ली कश्यपने ४६व्या स्थानावर झेप घेतली. दोन ऑलिंपिक पदकांची विजेती पी. व्ही. सिंधू जागतिक आणि जपान खुल्या स्पर्धेत दुखापतीमुळे खेळली नसली, तरी तिचे महिलांच्या क्रमवारीतील सहावे स्थान कायम राहिले आहे. साईना नेहवालने एका स्थानाने प्रगती करत ३१ वा क्रमांक मिळवला आहे. अजय जयराम आणि समीर वर्मा यांची मात्र अनुक्रमे १७व्या आणि २९व्या स्थानावर घसरण झाली आहे.
हेही वाचा : IND vs SA: कर्णधार रोहित शर्माने रचला नवा विक्रम! माहीला टाकले मागे
महिला दुहेरीत सय्यद मोदी ग्रँड प्रिक्स गोल्ड उपविजेत्या अश्विनी पोनप्पा आणि एन सिक्की रेड्डी ही जोडी २३व्या स्थानावर आहे. मिश्र दुहेरीत प्रणय जेरी चोप्रा आणि जेरी २०व्या स्थानावर कायम आहेत. पुरुष दुहेरीतील भारताची हुकमी जोडी सात्विकसाईराज आणि चिराग शेट्टी हे पुरुष दुहेरीतील आठव्या क्रमांकावर कायम आहेत. त्यांनी जागतिक स्पर्धेत पहिले वहिले ब्राँझपदक जिंकल्यानंतर राष्ट्रकुल स्पर्धेत सुवर्णपदकावर आपला हक्क सिद्ध केला होता.
