Shubman Gill: भारत-पाकिस्तान सामन्यापूर्वी गिलने शाहीन-नसीमचे केले कौतुक; म्हणाला, “अशा गोलंदाजी आक्रमणाची…”

भारत विरुद्ध पाकिस्तान सामन्यापूर्वी झालेल्या पत्रकार परिषदेत बोलताना शुबमन गिलने शाहीन शाह आफ्रिदीच्या गोलंदाजीचे कौतुक केले. तो म्हणाला की, “जेव्हा तुम्ही या स्तरावर खेळत असता, तेव्हा तुम्ही तुमच्या कारकिर्दीत कोणत्याही टप्प्यावर डाव्या हाताच्या वेगवान गोलंदाजाचा सामना करावा लागेल, हे डोक्यात ठेवायला हवे. मात्र, माझ्यासारख्या अनेक युवा खेळाडूंनी याआधी कधीही भारतीय संघात आल्यापासून डाव्या हाताच्या गोलंदाजीचा सामना केलेला नाही. खासकरून जेव्हा तुम्ही पाकिस्तानविरुद्ध कमी खेळता तेव्हा त्यांची शैली माहिती नसते. इतर संघांच्या तुलनेत पाकिस्तानविरुद्ध सावधगिरीने खेळावे लागते. त्यांच्याकडे दर्जेदार गोलंदाजी आक्रमण आहे. जेव्हा तुम्हाला अशा प्रकारच्या जबरदस्त गोलंदाजी आक्रमणाचा सामना करावा लागतो तेव्हा त्याची सवय नसल्याने खूप फरक पडतो.”

आणखी वाचा

Eknath Shinde : मुख्यमंत्री शिंदेंचा हिना गावितांना अप्रत्यक्ष इशारा; म्हणाले, “बंडखोरी…”

Nana Patole : निकालाआधी राजकीय घडामोडींना वेग; यातच…

पाकिस्तानात चँपियन्स ट्रॉफी खेळण्यासाठी भारताचा नकार का? पाकव्याप्त काश्मीरचा मुद्दा का चर्चेत?

IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी

IND vs SA: अर्शदीप सिंगने बुमराह-भुवनेश्वरला मागे टाकत घडवला इतिहास, ‘ही’ कामगिरी करणारा ठरला भारताचा पहिला वेगवान गोलंदाज

Mohammad Rizwan : ‘मी फक्त टॉस आणि प्रेझेंटेशनसाठी कर्णधार…’, ऑस्ट्रेलियाविरुद्धच्या ऐतिहासिक विजयानंतर मोहम्मद रिझवानचे मोठे वक्तव्य

पाकिस्तानी गँगस्टरकडून मिथुन चक्रवर्ती यांना धमकी, मुस्लिमांबद्दल केलेल्या ‘त्या’ वक्तव्याचा उल्लेख करत म्हणाला…

शुबमन गिल पुढे म्हणाला की, “होय, तुम्ही चांगल्या फॉर्ममध्ये खेळत असाल आणि अशा घातक गोलंदाजीचा सामना जेव्हा तुम्हाला करावा लागतो आणि तुम्ही त्यात अपयशी होतात तेव्हा, तुमच्या फलंदाजी तंत्राबद्दल प्रश्न विचारले जातात. मात्र, यात तुम्ही त्यांच्या गोलंदाजीचे कौतुक करायला हवे. पाकिस्तानचे खेळाडू हे आधीपासून गोलंदाजीसाठी प्रसिद्ध आहेत. शाहीन, नसीम, हारिस विकेट घेण्यासाठी जातात. नवीन चेंडूने ते स्विंगचा उपयोग अधिक करतात. तुम्हाला काही खराब चेंडू मिळतील त्यावेळी त्याचा फायदा उठवणे महत्वाचे आहे. जेव्हा तुम्ही चांगले खेळता तेव्हा काही गोष्टी तुमच्या बाजूने जातात. तुम्हाला फक्त तुमच्या खेळावर विश्वास ठेवावा लागेल आणि मोठ्या धावा करत राहिले पाहिजे.”

शुबमन गिलचे बाबरबाबत मोठे विधान

पाकिस्तानचा कर्णधार बाबर आझमबद्दल गिल म्हणाला, “होय, नक्कीच आम्ही त्याला फॉलो करतो. जेव्हा एखादा खेळाडू चांगली कामगिरी करत असतो. तो इतके चांगले का करत आहेत, त्याची खासियत काय आहे, हे जाणून घेण्यासाठी प्रत्येकजण त्यांच्यावर लक्ष ठेवून असतो. बाबरच्या बाबतीतही हीच गोष्ट लागू पडते. तो जागतिक दर्जाचा खेळाडू आहे आणि त्याचप्रमाणे आपणही व्हावं आणि आपली कोणतरी प्रशंसा करावी हीच तर प्रत्येक खेळाडूची इच्छा असते.”

हेही वाचा: Asia Cup 2023: केवळ भारत-पाक मॅचसाठी ‘रिझर्व्ह डे’ का ठेवला? श्रीलंका-बांगलादेश क्रिकेट बोर्डाचे सूचक ट्वीट; म्हणाले, “वादाचे कारण…”

शाहीन आणि नसीमचे गिलने केले कौतुक

गिलने शाहीन आणि नसीम शाह यांच्या गोलंदाजीबद्दल बोलताना सांगितले की, “नसीम शाहचे चेंडू हे खूप वेगवान असतातच पण ते अधिक स्विंगदेखील होतात. शाहीनच्या बाबतीत मी आधी म्हटल्याप्रमाणे तो एकाच टप्प्यावरून इनस्विंग आणि आउटस्विंग अशी दोन्ही प्रकारची गोलंदाजी करतो. त्याची पहिले चार षटके ही खूप महत्वाची आहेत. ती तुम्ही व्यवस्थित खेळून काढलीत तर मग सेट झाल्यावर धावगती वाढवता येऊ शकते.” ५ ऑक्टोबरपासून सुरू होणाऱ्या आयसीसी क्रिकेट विश्वचषकात संघ आपली भूमिका आणि फलंदाजीची स्थिती, याबाबत स्पष्टता असल्याचेही गिल म्हणाला.

रोहितच्या फलंदाजीबद्दल तो म्हणाला की, “ रोहित भाई असा फलंदाज आहे जो मोठे फटके खेळून गोलंदाजांवर दबाव आणतो. दुसरीकडे, मी क्वचितच हवेत शॉट्स खेळतो. मी आक्रमक फटके खेळतो पण जेव्हा गरज असेल तेव्हाच. आम्ही नेहमी एकमेकांना मदत करतो. रोहित भाई आणि मी, आम्ही दोघेही वेगवेगळ्या धाटणीचे खेळाडू आहोत. त्यामुळे विरोधी संघाला आमच्याविरोधात गोलंदाजी करणे अवघड जाऊ शकते.”

हेही वाचा: Sanju Samson: आशिया चषकातील स्टँडबाय खेळाडू संजू सॅमसनला टीम इंडियाच्या संघातून दिला डच्चू, नेमकं काय झालं? जाणून घ्या

टीम इंडियाच्या फलंदाजीबाबत शुबमन गिल पुढे म्हणाला, “आमची योजना सारखीच असेल, सलामीला एक भक्कम आधार प्रदान करणे आणि नंतर वर्चस्व राखणे. पाकिस्तानविरुद्धच्या शेवटच्या सामन्यात आमच्या टॉप ऑर्डरने चांगली कामगिरी केली नाही. पण तरीही, आम्ही २६६ धावा केल्या आणि अशा विकेटवर कधीतरी ३१०-३२० धावांची गरज नसते. एवढ्या धावा देखील अशा प्रकारच्या खेळपट्टीवर सामना जिंकवून देणारे ठरू शकतात.”