ENG vs WI 2nd Test : ‘भावा, घरी बायका मुलं आहेत जरा बेताने…’, वेगवान मार्क वूडला केव्हिन हॉजचं सांगणं, पाहा VIDEO

दुसऱ्या कसोटी सामन्याच्या पहिल्या डावात वेस्ट इंडिज आता इंग्लंडपेक्षा फक्त ६५ धावांनी पिछाडीवर आहे. तत्पूर्वी, इंग्लंडने प्रथम फलंदाजी करताना ४१६ धावा केल्या होत्या. केव्हम हॉजने १७१ चेंडूंचा सामना करताना १९ चौकारांच्या मदतीने १२० धावा केल्या. अलिकने ९९ चेंडूंचा सामना करत १० चौकार आणि एक षटकार मारत ८२ धावांचे योगदान दिले.

मार्क वूडच्या वेगवान बॉलिंगने ओकली आग –

नुकताच निवृत्त झालेला वेगवान गोलंदाज जेम्स अँडरसनच्या जागी इंग्लंडच्या प्लेइंग इलेव्हनमध्ये मार्क वूड सामील झाला आहे. ज्याने आपल्या पहिल्याच षटकातील वेगवान माऱ्याने सर्वांचे लक्ष वेधून घेतले. त्याने पहिलाच चेंडू ताशी १५१.१ किमी वेगाने टाकला. यानंतर दुसरा चेंडू १५४.६५, तिसरा १५२.८८, चौथा १४८.०६ , पाचवा ताशी १५५.३० वेगाने आणि शेवटचा चेंडू वेस्ट इंडिजचा कर्णधार क्रेग ब्रॅथवेटला ताशी १५३.२० किमी वेगाने टाकण्यात. अशा प्रकारे मार्क वूडने ताशी १५१.९२ किमी वेगाने षटक टाकले, ज्यामुळे सर्वजण चकीत झाले. यावर आता केव्हिन हॉजने प्रतिक्रिया दिली आहे.

हेही वाचा – Mohammad Shami : दोघांनाही माझ्या बॉलिंगवर खेळायला आवडत नाही; मोहम्मद शमीचा विराट-रोहितबद्दल खुलासा, VIDEO व्हायरल

केव्हिन हॉज मार्क वूडला काय म्हणाला?

दुसऱ्या दिवसाचा खेळ संपल्यानंतर केव्हिन हॉज मार्क वूडशी केलेल्या मस्करीबद्दल म्हणाला, “आजचा दिवस खूप क्रूर होता. तुम्ही प्रत्येक दिवशी कमाल करु शकत नाही. विशेषता मार्क वूडसारख्या वेगवान गोलंदाजा सामना करताना. कारण तो प्रत्येक चेंडू ताशी ९० किमी वेगाने टाकत होता. एक वेळ अशी आली, जेव्हा मी त्याच्याशी मस्करी करताना म्हणालो, अरे भावा, जरा बेताने घरी बायका मुलं आहेत. पण शतकानंतर मी सुटकेचा निश्वास सोडला. कसोटी क्रिकेट क्रूर आहे, कारण ते मानसिकदृष्ट्या थकवणारे आहे. ज्यामध्ये मार्क वुड सारख्या गोलंदाजांचा सामना करणे कठीण होते, परंतु ते समाधानकारक होते.”

हेही वाचा – IND vs SL : ‘प्रत्येकाचे नशीब शुबमन गिलसारखे…’, ऋतुराज गायकवाडला संघातून वगळल्याने माजी दिग्गज संतापला

केव्हिन हॉजने झळकावले दमदार शतक –

मार्क वुडच्या वेगवान चेंडूंचा कॅरेबियन खेळाडूंवर फारसा प्रभाव पडला नाही. फिरकीपटू शोएब बशीरने इंग्लिश संघाला यश मिळवून दिले. सलामीवीर मायकेल लुईसशिवाय त्याने कर्क मॅकेन्झीलाही आपला शिकार बनवले. इंग्लिश संघाकडून ॲटकिन्सन, ख्रिस वोक्स आणि कर्णधार बेन स्टोक्स यांनी प्रत्येकी एक विकेट्स घेतली. तर, वेस्ट इंडिजकडून हॉजने शतक आणि अलिक अथनाजेने अर्धशतक झळकावले. कर्णधार क्रेग ब्रॅथवेट ४८ धावा करून पॅव्हेलियनमध्ये परतला. दिवसाचा खेळ संपेपर्यंत जेसन होल्डर २३ आणि जोशुआ डी सिल्वा ३२ धावांसह क्रीजवर उपस्थित होते.