वर्ल्ड कपमधल्या पहिल्याच सामन्यात भारतानं दक्षिण आफ्रिकेवर विजय मिळवला, परंतु चर्चा जास्त रंगली ती धोनीच्या ग्लोव्हजवरील भारतीय लष्कराच्या बलिदान चिन्हाची. आयसीसीनं या निशाणावर आक्षेप घेत भारतीय क्रिकेट नियामक मंडळाला हे चिन्ह काढायला सांगितले. यावरून भारतीय क्रिकेटप्रेमी संतापले असून त्यांनी धोनीच्या मागे खंबीरपणे उभं काहण्याची बीसीसीआयकडे मागणी केली आहे. सध्या ट्विटरवर सध्या टॉपला असलेला ट्रेंड आहे #DhoniKeepTheGlove.
धोनीला भारतीय सैन्यानं टेरिटोरियल आर्मीचं मानद लेफ्टनंट कर्नल हे पद देऊन गौरवलेलं आहे हे विशेष. या पार्श्वभूमीवर भारतीय सैन्याला धोनीनं वाहिलेली आदरांजली असा अर्थ भारतीय क्रीडाप्रेमी काढत असले तरी आयसीसीनं मात्र नियमावर बोट ठेवलं आहे. जर आयसीसीचे नियम काय आहेत बघितलं तर आयसीसीनं का आक्षेप घेतला हे लक्षात येतं.
काय आहेत आयसीसीचे कपडे व उपकरणांच्या वापराबाबतच्या अटी व शर्ती:
यात असं नमूद केलंय की, “विकेट किपरच्या ग्लोव्हजवर उत्पादकाची दोन डिझाईन वा लोगो वापरण्यास अनुमती आहे. दिसून येतील असे कुठलेही लोगो जे मंजूर केलेले नाहीत ते वापरता येणार नाहीत.” आयसीसी केवळ राष्ट्रीय लोगो, व्यापारी लोगो, इव्हेंट लोगो, उत्पादकाचा लोगो, खेळाडूच्या बॅटवरील लोगो, चॅरिटी किंवा अव्यापारी लोगो किटवर प्रिंट करण्यास अनुमती देते. लष्कराचं बलिदान चिन्ह असलेला लोगो या यादीत बसत नसल्यानं आयसीसीनं या लोगोवर आक्षेप घेतला आहे.
आयसीसीच्या नियमांनुसार या अटी व शर्तींमध्ये न बसणारे लोगो वापरण्यास कडक बंदी आहे. तसेच असं काही खेळाडुंनी केलेलं आढळून आल्यास व आयसीसीच्या नियमांचं उल्लंघन झाल्याचं निदर्शनास आल्यास सामनाधिकाऱ्याला सदर खेळाडूला, जोपर्यंत उल्लंघन केलेली बाब सुधारत नाही तोपर्यंत योग्य वाटल्यास मैदानाबाहेर काढण्याचा अधिकार आहे. कार्यकारी समितीच्या परवानगीखेरीज कुठल्याही प्रकारचे संदेश वेगवेगळ्या पट्ट्यांच्या वगैरे कुठल्याही माध्यमातून देता येणार नाहीत असेही आयसीसीचे नियम सांगतात.
#DhoniKeepTheGlove is one voice from the entire country.
Dear sports minister @KirenRijiju, hope you stand up for @msdhoni and
Why only Dhoni is targetted ? Can @ICC ask England to remove those lions on their Jersey ? #DhoniKeepTheGlove pic.twitter.com/UOnJ5JUhno
— Manoj Kishore Nayak (@mknayak2010) June 7, 2019
‘ICC ला पाकिस्तानी संघाचा नमाज चालतो पण धोनीने वापरलेले बलिदान चिन्ह नाही’
Pic 1: ICC Don't Have Problem When One Country Represents Religious Sentiment In D Ground.
Pic 2: ICC Have Problem When One Man Is Having Their Country's Army's Sacrifice Symbol.#DhoniKeepTheGlove pic.twitter.com/9GrcbS9fdm
— Rakesh J™ (@Rakesh_Msd7) June 7, 2019
2014 मध्ये गाझा वाचवा व पॅलेस्टाइन मुक्त करा हा संदेश देणास मोईन अलीला मज्जाव करण्यात आला आहे. प्रचंड टिका होऊनही त्यावेळी आयसीसी नियमाला धरून वागली होती आणि धोनीच्या बाबतीतही तसेच वागण्याची शक्यता आहे. दोन महिन्यांपूर्वी पुलवामा येथील दहशतवादी हल्ल्यांमध्ये शहिद झालेल्या जवानांना आदरांजली वाहण्यासाठी विशिष्ट पट्टी घालण्याची अनुमती बीसीसीआयनं मागितली होती, जी आयसीसीनं दिली होती. आताही बीसीसीआयनं परवानगी मागितल्यानंतर कदाचित आयसीसी धोनीला ते चिन्ह असलेले ग्लोव्हज वापरण्यास परवानगी देईल.
