टी२० विश्वचषकात भारताला आणखी एक मोठा धक्का बसू शकतो. जसप्रीत बुमराह याआधीच दुखापतीमुळे विश्वचषकातून बाहेर पडला आहे. आता पीटीआय या वृत्तसंस्थेनुसार, वेगवान गोलंदाज दीपक चहरलाही दुखापत झाली आहे. लखनऊमध्ये दक्षिण आफ्रिकेविरुद्धच्या एकदिवसीय सामन्यापूर्वी सराव सत्रादरम्यान त्याच्या घोट्याला दुखापत झाली. अशा परिस्थितीत उर्वरित दोन एकदिवसीय सामने खेळण्यावर साशंकता आहे. पहिल्या एकदिवसीय सामन्यात भारताचा नऊ धावांनी पराभव झाला.
एवढेच नाही तर आता त्याचे टी२० विश्वचषक संघातील सामील होणेही धोक्यात आले आहे. दीपकला टी२० विश्वचषकासाठी स्टँडबाय म्हणून ठेवण्यात आले आहे. बुमराहला दुखापत झाल्यास त्यापैकी एकाची आणि मोहम्मद शमीची १५ जणांच्या संघात निवड करावी लागेल. चहरसह चार राखीव खेळाडू ११ ऑक्टोबरला ऑस्ट्रेलियाला रवाना होणार आहेत.
पीटीआयच्या म्हणण्यानुसार, आयपीएलमध्ये चेन्नई सुपर किंग्जकडून खेळणारा वेगवान गोलंदाज मुकेश चौधरी आणि दिल्ली कॅपिटल्सकडून खेळणारा चेतन साकारिया ऑस्ट्रेलियामध्ये नेट बॉलर म्हणून टीम इंडियामध्ये सामील झाले आहेत. दोघेही गुरुवारी टीम इंडियासोबत ऑस्ट्रेलियाला रवाना झाले. समोर आलेल्या माहितीनुसार चहरची दुखापत ही गंभीर नसली तरी दुर्लक्ष करण्यासारखी नाही. दीपकच्या घोट्याला वळण आले आहे पण ते तितकेसे गंभीर नाही. तथापि, काही दिवस विश्रांतीचा सल्ला दिला जाऊ शकतो. त्यामुळे टी२० विश्वचषकाच्या स्टँडबाय यादीत दीपकला खेळवण्याची जोखीम पत्करायची की नाही, हा निर्णय संघ व्यवस्थापनाचा असेल. पण गरज भासल्यास त्याला प्राधान्य दिले जाईल.
भारतीय संघाचा प्रमुख वेगवान गोलंदाज जसप्रीत बुमराह देखील दुखापतीच्या कारणास्तव आगामी टी२० विश्वचषक खेळू शकणार नाहीये. मोहम्मद शमी २०२२ च्या टी२० विश्वचषकात जखमी जसप्रीत बुमराहची जागा घेणार आहे. मिळालेल्या माहितीनुसार, मोहम्मद शमी येत्या ३-४ दिवसांत ऑस्ट्रेलियाला रवाना होऊ शकतो. वास्तविक, जसप्रीत बुमराहच्या दुखापतीनंतर असे मानले जात होते की या मालिकेमध्ये जसप्रीत बुमराहची जागा उमरान मलिक किंवा मोहम्मद शमी असू शकते, परंतु आता मीडिया रिपोर्ट्समध्ये असे म्हटले जात आहे की टी२० विश्वचषक २०२२ मध्ये मोहम्मद शमी जसप्रीत बुमराह असेल. बुमराहची जागा घेणार आहे.
