“तुम्ही चांगलं खेळा, जिंका हीच माझी गुरुदक्षिणा”; अफगाणिस्तानच्या भारतीय मेन्टॉरने नाकारलं मानधन

अफगाणिस्तान क्रिकेट संघाचे सीईओ यांनी एका मुलाखतीत सांगितले की, अजय जडेजाने अफगाणिस्तान संघात सामील होण्यासाठी एक रुपयाही फी घेतली नाही. अजय जडेजा म्हणाले की, तुम्ही चांगले खेळा हीच माझी फी असेल आणि तेच माझे बक्षीस असेल. अजय जडेजा मीडियासमोर याविषयी कधीच काही बोलला नसले तरी त्यांनी हे जे काही केले ते कौतुकास्पद आहे.

हेही वाचा – गिलने रोहित शर्माला केलं अनफॉलो? शिस्तभंग केल्याने वर्ल्डकप संघातून शुबमनला रिलीज करणार? सोशल मीडियावर चर्चांना उधाण

अजय जडेजा यांच्याबद्दल सांगताना अफगाणिस्तान क्रिकेट बोर्डाचे सीईओ नसीब खान म्हणाले, “वनडे विश्वचषक २०२३ साठी संघामध्ये त्यांच्या भूमिकेसाठी आम्ही अनेकवेळा त्यांना मानधन घेण्याचा आग्रह केला. पण त्यांनी एकही रूपया घेण्यास नकार दिला. यावर त्यांची प्रतिक्रिया होती, तुम्ही चांगलं खेळा, जिंका हीच माझी गुरुदक्षिणा असेल.”

हेही वाचा – IND vs USA: “तू सूर्यकुमारला का आऊट नाही केलंस?”, नवज्योत सिंग सिद्धूने विचारलेल्या प्रश्नावर नेत्रावळकरने दिले उत्तर; म्हणाला- ‘त्याचा झेल…’

अफगाणिस्तान क्रिकेटच्या विकासात बीसीसीआयने मोठे योगदान दिले आहे. BCCI ने अफगाणिस्तान संघाला सराव करण्यासाठी आणि क्रिकेट खेळण्यासाठी भारतात एक स्टेडियम उपलब्ध करून दिले आहे. यानंतर आता अफगाणिस्तान आज जागतिक क्रिकेटमध्ये आपले कर्तृत्व सिद्ध करत आहे.

हेही वाचा – T20 WC 2024: ट्रेंट बोल्टच्या वक्तव्याने सर्वांनाच दिला धक्का, या दिवशी न्यूझीलंडकडून खेळणार अखेरचा वर्ल्डकप सामना

अफगाणिस्तान संघाचा यंदाच्या टी-२० विश्वचषकातील प्रवास शानदार राहिला आहे. अफगाणिस्तानने खेळलेल्या ३ पैकी तीनही सामने जिंकून सुपर८ मध्ये आपले स्थान निश्चित केले आहे. क गटात अफगाणिस्तानसोबतच वेस्ट इंडिजचा संघही सुपर८ साठी पात्र ठरण्यात यशस्वी ठरला आहे. आतापर्यंत भारत, अमेरिका, ऑस्ट्रेलिया, अफगाणिस्तान, वेस्ट इंडिज आणि दक्षिण आफ्रिकेचे संघ सुपर८ साठी पात्र ठरण्यात यशस्वी ठरले आहेत.