Arshdeep Singh to pick a wicket on the first ball of a T20 WC 2024 Match : भारत आणि अमेरिका यांच्यातील सामन्यात टीम इंडियाचा स्टार वेगवान गोलंदाज अर्शदीप सिंगने आपल्या घातक गोलंदाजीने अमेरिकेच्या फलंदाजांना थक्क केले. टी-२० विश्वचषकातील २५ व्या सामन्यात अर्शदीपने पहिल्याच षटकापासून धोकादायक गोलंदाजी केली. त्याने पहिल्याच चेंडूवर अमेरिकेचा फलंदाज शायान जहांगीरला एलबीडब्ल्यू करून पॅव्हेलियनमध्ये पाठवले. यानंतर त्याच षटकातील शेवटच्या चेंडूवर त्याने अँड्रिस गॉसला २ धावांवर बाद केले. या शानदार कामगिरीच्या जोरावर अर्शदीप सिंगने एक मोठा विक्रम आपल्या नावावर केला आहे.

अर्शदीप सिंगने रचला इतिहास –

अर्शदीप सिंग टी-२० विश्वचषकात पहिल्या षटकाच्या पहिल्या चेंडूवर विकेट घेणारा पहिला भारतीय गोलंदाज ठरला आहे. आजपर्यंत अर्शदीपच्या आधी कोणत्याही भारतीय गोलंदाजाला अशी कामगिरी करता आली नव्हती. जर जगभरातील गोलंदाजांबद्दल बोलायचे, तर बांगलादेशचा गोलंदाज मशरफी मुर्तझा याने पहिल्याच चेंडूवर विकेट घेऊन टी-२० विश्वचषकात विक्रम केला होता. २०१४ मध्ये अफगाणिस्तानविरुद्ध खेळल्या गेलेल्या सामन्यात त्याने हा विक्रम केला होता.

आणखी वाचा
Gukesh becomes youngest-ever world champion
D Gukesh: डी गुकेश विश्वविजेता! भारताच्या बुद्धिबळपटूने घडवला इतिहास
sunlight vitamin d
सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…
Smriti Mandhana Becomes the First Cricketer to Hit 4 Hundreds in Womens odis in a Calendar Year World Record
Smriti Mandhana: स्मृती मानधनाच्या नावे विश्वविक्रम, ‘ही’ कामगिरी करणारी ठरली जगातील पहिली महिला फलंदाज
Syed Mushtaq Ali Trophy
SMAT 2024: मुंबई सय्यद मुश्ताक अली ट्रॉफीच्या उपांत्य फेरीत! रहाणे-शॉच्या फलंदाजीसमोर विदर्भचा संघ पडला फिका
George Linde Misses Team Bus But leads South Africa to Thrilling Win by Career Best All Rounder Performance SA vs PAK
PAK vs SA: आधी टीम बस चुकली, नंतर पोलिसांच्या गाडीतून पोहोचला मैदानात अन् पाकिस्तानला नमवत जिंकला सामनावीराचा पुरस्कार
Shaheen Shah Afridi becomes youngest bowler to complete 100 wickets in all 3 formats
Shaheen Afridi: शाहीन शाह आफ्रिदीचा मोठा पराक्रम, क्रिकेटच्या तिन्ही फॉरमॅटमध्ये ‘ही’ कामगिरी करणारा सर्वात तरूण गोलंदाज
ICC Banned National Cricket League USA
एक चूक अन् ICCने ‘या’ लीगवर घातली बंदी, सचिन तेंडुलकर-गावस्करांशी आहे कनेक्शन
Kalidas hirve , Vasai National Marathon Competition,
वसईत रंगली राष्ट्रीय मॅरेथॉन स्पर्धा, साताऱ्याचा कालिदास हिरवे विजेता

अर्शदीप सिंग ठरला जगातील चौथा गोलंदाज –

तसेच अफगाणिस्तानचा गोलंदाज शापूर झाद्रानने २०१४ मध्ये हाँगकाँगविरुद्ध हा विक्रम केला होता. नामिबियाचा गोलंदाज रुबेन ट्रम्पेलमनने हा पराक्रम दोनदा केला आहे. २०२१ मध्ये स्कॉटलंडविरुद्ध आणि २०२४ मध्ये ओमानविरुद्ध त्याने ही कामगिरी केली आहे. आता अर्शदीप सिंग न्यूयॉर्कमध्ये खेळल्या गेलेल्या सामन्यात या अनोख्या यादीत सामील झाला आहे. ही कामगिरी करणारा तो जगातील एकूण चौथा गोलंदाज ठरला आहे.

हेही वाचा – Team India : भारतीय संघाच्या स्टार खेळाडूवर लंडनमध्ये शस्त्रक्रिया, ‘इतके’ महिने क्रिकेटच्या मैदानापासून राहणार दूर

टी-२० विश्वचषक सामन्यातील पहिल्या चेंडूवर विकेट्स घेणारे गोलंदाज :

मशरफे मोर्तझा (बागलादेश) विरुद्ध अफगाणिस्तान, २०१४
शापूर झाद्रान (अफगाणिस्तान) विरुद्ध हाँगकाँग, २०१४
रुबेन ट्रम्पलमन (नामिबिया) विरुद्ध स्कॉटलंड, २०२१
रुबेन ट्रंपेलमन (नामिबिया) विरुद्ध ओमान, २०२४
अर्शदीप सिंग (भारत) विरुद्ध अमेरिका, २०२४

हेही वाचा – IND vs USA : मिया मॅजिकची कमाल! मोहम्मद सिराजने नितीश कुमारचा सीमारेषेवर घेतला Sensational झेल, पाहा VIDEO

अर्शदीप सिंग टी-२० विश्वचषकात उत्कृष्ट फॉर्ममध्ये –

अर्शदीप सिंग या टी-२० विश्वचषकात जबरदस्त फॉर्ममध्ये आहे. तो सतत भेदक गोलंदाजी करताना दिसत आहे. पाकिस्तानविरुद्धच्या सामन्यात त्याने ३१ धावा देताना इमाद वसीमची महत्त्वाची विकेट घेतली. त्यानंतर अर्शदीप सिंगने अखेरच्या षटकात १८ धावा वाचवून टीम इंडियाला विजय मिळवून दिला. आयर्लंडविरुद्धही त्याने दमदार गोलंदाजी केली आणि ३५ धावांत २ विकेट्स घेतल्या होत्या.

Story img Loader