T20 WC 2024: इंग्लंडचा ओमानवर ऐतिहासिक विजय, टी-२० विश्वचषकाच्या इतिहासात ही कामगिरी करणारा ठरला पहिला संघ

ENG vs OMA Highlights: आयसीसी टी-२० विश्वचषक २०२४ मध्ये खराब सुरुवातीनंतर, गतविजेत्या इंग्लंडने चमकदार कामगिरी केली आणि एकतर्फी सामन्यात ओमानचा अवघ्या ४ षटकांत पराभव केला.

Written by स्पोर्ट्स न्यूज डेस्क

June 14, 2024 11:45 IST

England beat oman by 8 wickets in just 3.1 overs — इंग्लंडचा ओमानवर ऐतिहासिक विजय (फोटो-ICC)

England vs Oman T20 World Cup 2024 Match Highlights: इंग्लंडच्या संघाने शानदार कमबॅक करत सुपर८ फेरीतील शर्यतीत कायम आहेत. अँटिगा येथी सर व्हिव्हियन रिचर्ड्स स्टेडियमवर इंग्लंड आणि ओमान यांच्यातील सामन्यात इंग्लंडने आश्चर्यकारक कामगिरी केली. या सामन्यात त्यांनी ओमानविरुद्ध मोठा विजय नोंदवला, ज्यामुळे ते अजूनही सुपर८ च्या शर्यतीत आहेत. इंग्लंडने नाणेफेक जिंकून प्रथम गोलंदाजी करताना ओमानला अवघ्या ४७ धावांत ऑलआउट केले. त्यानंतर ३.१ षटकात ८ विकेट्स राखून लक्ष्याचा पाठलाग केला.

इंग्लंडचा कर्णधार जोस बटलरने नाणेफेक जिंकून ओमानविरुद्ध प्रथम गोलंदाजी करण्याचा निर्णय घेतला. अशा स्थितीत इंग्लंडच्या भेदक गोलंदाजीसमोर ओमानचे फलंदाज चांगलेच फसले. तो १३.२ षटकांत अवघ्या ४७ धावांवर ऑलआऊट झाला. ओमानकडून शोएब खानने सर्वाधिक ११ धावा केल्या होत्या. इंग्लंडकडून आदिल रशीदने सर्वाधिक ४ विकेट घेतले. याशिवाय मार्क वूड आणि जोफ्रा आर्चरनेही ३-३ विकेट घेतले.

आणखी वाचा

AUS vs PAK Match Updates Australia vs Pakistan 1st ODI

AUS vs PAK : पाकिस्तानची झुंज अपयशी, अखेरीस ऑस्ट्रेलियाने पहिल्या वनडेत मिळवला रोमहर्षक विजय

Who is Madhurima Raje?

Madhurima Raje : सतेज पाटील ज्यांच्यामुळे ढसाढसा रडले…

IND vs NZ Anil Kumble Lashes Out At Rohit Sharma and Gautam Gambhir

IND vs NZ : ‘तुम्ही फलंदाजांना दोष देऊ नका…’, मालिका गमावल्यानंतर अनिल कुंबळे रोहित-गौतमवर संतापले

IND vs NZ Harbhajan Singh Statement

IND vs NZ : ‘भारतासाठी ‘ती’ गोष्ट शत्रू ठरतेय…’, मायदेशात पहिल्यांदाच कसोटीत व्हाइट वॉश झाल्यानंतर हरभजन सिंगचे मोठे वक्तव्य

IND vs NZ Tom Latham Statement After India clean sweep

IND vs NZ : ‘आम्ही भारतीय संघाच्या खेळण्याच्या पद्धतीबद्दल…’, ऐतिहासिक मालिका विजयानंतर टॉम लॅथमने सांगितले किवीच्या यशाचे गुपित

IND vs NZ Five Reasons for India Defeat

IND vs NZ : भारतीय संघावर का ओढवली मायदेशात मालिका पराभवाची नामुष्की?

IND vs NZ India suffered their first-ever home series whitewash in a three-match Test series, losing the third Test at the Wankhede Stadium in Mumbai by 25 runs on Sunday

IND vs NZ : टीम इंडियाचा सलग तिसऱ्या सामन्यात लाजिरवाणा पराभव! न्यूझीलंडने व्हाइट वॉश करत भारतात घडवला इतिहास

Rishabh Pant attained a stellar milestone and surpassed his idol, MS Dhoni

Rishabh Pant : ऋषभ पंतने अवघ्या ३६ चेंडूत अर्धशतक झळकावत केला खास पराक्रम, महेंद्रसिंग धोनीलाही टाकले मागे

हेही वाचा – IND vs USA: “तू सूर्यकुमारला का आऊट नाही केलंस?”, नवज्योत सिंग सिद्धूने विचारलेल्या प्रश्नावर नेत्रावळकरने दिले उत्तर; म्हणाला- ‘त्याचा झेल…’

ओमानचे फलंदाज ज्या खेळपट्टीवर सतत संघर्ष करताना दिसत होते. त्या खेळपट्टीवर इंग्लंडच्या आघाडीच्या फलंदाजांनी कहर केला. ४८ धावांच्या लक्ष्याचा पाठलाग करताना इंग्लंड संघाला फारसा वेळ लागला नाही. इंग्लंडने अवघ्या ३.१ षटकांत लक्ष्याचा पाठलाग केला, ज्यामुळे त्यांच्या नेट रन रेटमध्ये लक्षणीय सुधारणा झाली आहे. कर्णधार जोस बटलरने ३००च्या स्ट्राईक रेटने ८ चेंडूत नाबाद २४ धावा केल्या, त्याने या खेळीत ४ चौकार आणि १ षटकार लगावला. फिल सॉल्टने ३ चेंडूत १२ तर जॉनी बेअरस्टोने २ चेंडूत ८ धावा केल्या. ओमानकडून बिलाल खान आणि कलीमुल्ला यांनी प्रत्येकी १ विकेट मिळवला.

हेही वाचा – T20 WC 2024: अफगाणिस्तान पहिल्यांदाच सुपर८ मध्ये; न्यूझीलंड, श्रीलंकेची ‘घरवापसी’ पक्की

England get it done in Antigua ??#T20WorldCup | #ENGvOMA | ? https://t.co/hrhtHZS64T pic.twitter.com/Jz4FbkIIvE
— ICC (@ICC) June 13, 2024

ब गटातून ३ पैकी ३ सामने जिंकून ऑस्ट्रेलिया आधीच सुपर८ साठी पात्र ठरला आहे. ३ पैकी २ सामने जिंकल्यानंतर आणि एक सामना पावसामुळे रद्द झाल्यानंतर स्कॉटलंड ५ गुणांसह दुसऱ्या स्थानावर आहे. मात्र, इंग्लंडचा ओमानच्या सामन्यापूर्वी स्कॉटलंडपेक्षा चांगला नव्हता. पण आता ओमानवर मोठा विजय नोंदवल्यानंतर, इंग्लंडचा नेट रन रेट (+३.०८१) स्कॉटलंड (+२.१६४) पेक्षा चांगला झाला आहे. मात्र, इंग्लंडचे सध्या ३ सामन्यांतून ३ गुण आहेत. जर त्यांनी त्यांचा पुढील सामना नामिबियाविरुद्ध जिंकला आणि स्कॉटलंडने त्यांचा शेवटचा गट स्टेज सामना ऑस्ट्रेलियाविरुद्ध गमावला तर इंग्लंड सुपर८ साठी पात्र ठरेल.

हेही वाचा – T20 WC 2024: भारत वि ऑस्ट्रेलिया सुपर८ फेरीत येणार आमनेसामने, ICCने केलं जाहीर; पाहा टीम इंडियाच्या सामन्यांचे वेळापत्रक

इंग्लंडने ३.१ षटकांत ओमानवर मिळवला विजय

इंग्लंडने ओमानवर अवघ्या ३.१ षटकांत विजय मिळवून मोठा इतिहास रचला. यासह पुरूषांच्या टी-२० विश्वचषक २०२४ त्या इतिहासात ही कामगिरी करणारा पहिला संघ ठरला आहे. टी-२० विश्वचषकाच्या इतिहासात इंग्लंडने ओमानवर सर्वाधिक चेंडू शिल्लक ठेवत सर्वात मोठा विजय नोंदवला आहे. त्यांनी १०१ चेंडू शिल्लक असताना सामना जिंकला. याआधी टी-२० विश्वचषकात एवढा मोठा विजय कोणत्याही संघाला नोंदवता आलेला नाही. हा विक्रम यापूर्वी श्रीलंकेच्या नावावर होता. २०१४ मध्ये त्याने नेदरलँडविरुद्ध टी-२० विश्वचषक सामना ९० चेंडू शिल्लक असताना जिंकला होता.

टी-२० विश्वचषकाच्या इतिहासातील सर्वाधिक चेंडू शिल्लक ठेवत सर्वात मोठा विजय मिळवलेले संघ

१०१ चेंडू-इंग्लंड विरुद्ध ओमान, २०२४
९० चेंडू – श्रीलंका विरुद्ध नेदरलँड्स, २०१४
८६ चेंडू – ऑस्ट्रेलिया विरुद्ध नामिबिया, २०२४
८२ बॉल-ऑस्ट्रेलिया विरुद्ध बांगलादेश, २०२१
८१ बॉल-भारत विरुद्ध स्कॉटलंड, २०२१

First published on: 14-06-2024 at 11:45 IST | © IE Online Media Services (P) Ltd

TOPICSआयसीसी टी-२० विश्वचषक २०२४ ICC T20 World Cup 2024 इंग्लंड क्रिकेट टीम England Cricket Team ओमान क्रिकेट टीम Oman Cricket Team टी-२० वर्ल्ड कप २०२४ T20 World Cup 2024 मराठी बातम्या Marathi News

+ 1 More

मराठीतील सर्व T20 World Cup बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: England beat oman by 8 wickets and recorded largest margin of victory in mens t20 world cup by balls remaining bdg