IND vs AUS Live Score, T20 World Cup 2024: रोहित शर्माचा झंझावात ठरला निर्णायक; ऑस्ट्रेलियाला नमवत टीम इंडिया सेमी फायनलमध्ये

सेंट लुसियावरील खेळपट्टीवर वेगवान गोलंदाजांना मदत मिळत असल्याने भारतीय संघात बदल होण्याची शक्यता आहे. मोहम्मद सिराजच्या पुनरागमनामुळे कोणता खेळाडू बाहेर होऊ शकतो, असा प्रश्न आहे. कुलदीप यादवने गेल्या दोन सामन्यांमध्ये चमकदार कामगिरी केली आहे, तर अक्षर पटेलने चेंडू आणि बॅटने संपूर्ण स्पर्धेत अप्रतिम कामगिरी केली आहे. अशा स्थितीत आजच्या सामन्यात जर कोणी फिरकीपटूच्या जागी सिराजला संघात परत घ्यायचे असेल तर रोहित आणि संघासमोर मोठा पेच असणार आहे.

सेंट लुसियामधील खेळपट्टीच्या क्युरेटरने सांगितले की, ही खेळपट्टी वेगवान गोलंदाजांसाठी उपयुक्त ठरेल, अशा परिस्थितीत रोहित शर्मा फिरकी गोलंदाजाऐवजी मोहम्मद सिराजला संघात स्थान देऊ शकतो. पण कोणत्या खेळाडूला या मोठ्या सामन्यासाठी प्लेईंग इलेव्हनबाहेर करणार यावर सर्वांच्या नजरा असतील.

ऑस्ट्रेलियासाठी आज भारताविरुद्ध विजय मिळवणं अत्यंत महत्त्वाचं आहे कारण आज जर कांगारू संघ हरला तर त्यांना स्पर्धेतून बाहेर पडण्याचा धोका आहे. अफगाणिस्तानचा पुढचा सामना बांगलादेशविरुद्ध आहे. अफगाणिस्तान संघाने तो सामना जिंकला आणि ऑस्ट्रेलिया भारताकडून हरला तर अफगाणिस्तान उपांत्य फेरीत प्रवेश करेल.

भारत विरुद्ध ऑस्ट्रेलिया सामना सेंट लुसिया येथे होणार आहे आणि आज म्हणजेच २४ जून रोजी याठिकाणी मुसळधार पाऊस आहे. हा सामना पावसामुळे रद्द झाल्यास भारत उपांत्य फेरीसाठी पात्र ठरेल, तर ऑस्ट्रेलियाला स्पर्धेतून बाहेर पडण्याचा धोका असेल.

टी-२० विश्वचषकात आतापर्यंत भारत आणि ऑस्ट्रेलियामध्ये एकूण ५ सामने खेळवले गेले आहेत. यापैकी ३ सामने भारताने जिंकले आहेत तर ऑस्ट्रेलियाने २ सामने जिंकले आहेत.