IND vs ENG: दणदणीत विजयासह टीम इंडिया फायनलमध्ये; अक्षर-कुलदीपच्या फिरकीसमोर इंग्लंडचं लोटांगण

भारताने इंग्लंडला सर्वबाद करत टी-२० विश्वचषक २०२२ मधील उपांत्य फेरीतील १० विकेट्सच्या पराभवाचा व्याजासकट बदला घेतला आहे. २०२२ टी-२० विश्वचषकाच्या उपांत्य फेरीतही भारत आणि इंग्लंडचे संघ आमनेसामने आले होते. त्या सामन्यात भारतीय संघाने प्रथम फलंदाजी करताना १६९ धावा केल्या होत्या. त्याचवेळी इंग्लंडने एकही विकेट न गमावता हे लक्ष्य गाठले होते. पण यावेळी भारतीय संघाने एकतर्फी विजय मिळवत आपला बदला पूर्ण केला.

आणखी वाचा

Euro Cup 2024: १२ वर्षांनंतर स्पेन युरो कपच्या अंतिम फेरीत, फ्रान्सविरुद्ध अवघ्या ४ मिनिटांत केले दोन गोल

राहुल द्रविडचे बंगळुरू क्रिकेट अकादमीत भव्य स्वागत, मुलांनी…

हार्दिक पंड्याच्या इन्स्टा पोस्टने वेधले सर्वांचे लक्ष, सेटबॅकपासून ते कमबॅकपर्यंतचा VIDEO केला शेअर

सूर्यकुमारने सांगितलं सर्वात महत्त्वाची ‘ही’ कॅच आठ वर्षांपूर्वीच घेतली; फोटोचं कॅप्शन वाचून चाहते खुश; म्हणाले, “दादा तू GOAT”

जसप्रीत बुमराहने शेअर केला विराट कोहलीच्या आवाजातील खास व्हीडिओ, वर्ल्डकप विजयानंतरच्या पोस्टने वेधलं लक्ष

रोहित-विराटने फायनलमध्ये बॅटिंग करण्यापूर्वीच दिले होते निवृत्तीचे संकेत, भावुक करणारा VIDEO व्हायरल

‘स्वतः तर ट्रॉफी जिंकली नाही, भारताऐवजी आपल्या संघाला सांभाळा…’, रवी शास्त्रींचं मायकल वॉनला सडेतोड उत्तर

“वर्ल्डकप फायनल कधीच मुंबईतुन दूर नेऊ नका”, असं सुनावणाऱ्या आदित्य ठाकरेंना बीसीसीआयचं सडेतोड उत्तर; म्हणाले, “आमचं काम..”

‘हार्दिकला वाट्टेल ते बोललं गेलं, त्याच्या मनाचा कोणीच विचार केला नाही’; कृणाल पंड्याची भावासाठी भावुक पोस्ट

हेही वाचा- IND vs ENG Semi Final 2 Highlights : उपांत्य फेरीत भारताचा दणदणीत विजय, अक्षर-कुलदीपच्या फिरकीपुढे इंग्लंडने टेकले गुडघे

भारताने दिलेल्या १७२ धावांच्या लक्ष्याचा पाठलाग करताना बटलरने संघाला चांगली सुरूवात करून दिली. बटलरने अर्शदीपच्या तिसऱ्या षटकात ३ चौकार लगावत भारताला धक्का दिला, पण रोहित शर्माने फिरकीपटूला साजेशा खेळपट्टीवर स्पिन अटॅक सुरू केला. अक्षर पटेलला चौथे षटक देण्यात आले आणि त्याने पहिल्याच चेंडूवर बटलरला बाद करत मोठा ब्रेकथ्रू मिळवून दिला. तर बुमराहने पुढच्या षटकात भेदक गोलंदाजी करत फिल सॉल्टला क्लीन बोल्ड केलं.

हेही वाचा – IND vs ENG: “उपर डाला तो देता हूं ना…” हिटमॅन शब्दाचा पक्का, रोहितने सूर्याला सांगून लगावला दणदणीत षटकार; VIDEO व्हायरल

अक्षरच्या पुढच्या षटकात पुन्हा एकदा पहिल्याच चेंडूवर त्याने जॉनी बेअरस्टोला क्लीन बोल्ड करत खातेही उघडू न देता माघारी धाडले. यानंतर पुन्हा एकदा आठव्या षटकातील पहिल्याच चेंडूवर मोईन अलीला पंतने झटपट स्टंपिंग करत बाद केलं. अक्षरनंतर फिरकी विभागाकडून विकेटस घेण्याची जबाबदारी कुलदीपने घेतली आणि नवव्या षटकाच्या पहिल्याच चेंडूवर सॅम करनला पायचीत केले. त्यानंतर सर्वाधिक धावा कपत मैदानात असलेल्या हॅरी ब्रुकला क्लीन बोल्ड करत भारताला मोठे यश मिळवून दिले. त्यानंतर जॉर्डनला पायचीत करत सातवी विकेट मिळवून दिली. तर अक्षरच्या षटकात कुलदीप आणि अक्षरने मिळून लिव्हिंगस्टोनला धावबाद केले.

हेही वाचा – IND vs ENG: रोहित शर्माचा नवा विक्रम, भारताच्या दिग्गज कर्णधारांच्या यादीत मिळवले स्थान

यानंतर हार्दिक पंड्याच्या षटकात सूर्यकुमार शानदार फिल्डिंग करत आदिल रशीदला धावबाद केले तर बुमरहाने १७व्या षटकातील चौथ्या चेंडूवर जोफ्रा आर्चरला पायचीत करत संघाला ६८ धावांनी मोठा विजय मिळवून दिला. भारताकडून अक्षर पटेलने ४ षटकांत २३ धावा देत ३ विकेट्स घेतल्या तर कुलदीपने ४ षटकांत १९ धावा देत ३ विकेट्स घेतल्या. तर बुमराहने २ विकेट्स मिळवल्या. तर दोन खेळाडू धावबाद झाले.

भारत इंग्लंडमधील सेमीफायनलची नाणेफेक गमावल्यानंतर टीम इंडिया प्रथम फलंदाजीला आली. प्रथम फलंदाजी करताना भारतीय संघाने २० षटकांत ७ गडी गमावून १७१ धावा केल्या. यादरम्यान रोहिच शर्माने ३९ चेंडूत ६ चौकार आणि २ षटकारांसह ५७ धावा केल्या. तर, सूर्यकुमार यादवने ३६ चेंडूत४७ धावांचे योगदान दिले. हार्दिक पांड्यानेही १३ चेंडूत २३ धावा केल्या. त्याचवेळी रवींद्र जडेजाने १७ धावांची नाबाद खेळी केली. अक्षर पटेलही १० धावा करून नाबाद राहिला. अक्षर पटेलच्या अखेरच्या षटकातील एका षटकाराने भारत १७१ धावांपर्यंत मजल मारू शकला.