IND vs ENG 2nd Semi Final Highlights: इंग्लंडने १० गडी राखून टीम इंडियाचा केला दारूण पराभव

भारतीय संघाने कोणताही बदल आजच्या सामन्यासाठी केलेला नाही. झिम्बाब्वे विरुद्ध खेळलेला संघच कायम ठेवला आहे.

जॉस बटलरने मार्क वूड आणि डेव्हिड मलान यांना दुखापतीमुळे आजचा सामना खेळता येणार नाही असे सांगितले. त्यांच्याऐवजी फिल सॉल्ट आणि ख्रिस जॉर्डन यांचा संघात समावेश करण्यात आला.

इंग्लंडने नाणेफेक जिंकत प्रथम क्षेत्ररक्षण करण्याचा निर्णय घेतला.

भारतीय संघांच्या खेळाडूंनी राष्ट्रगीताच्या वेळी अंगावर रोमांच उभे राहतात अशाप्रकारे भावना व्यक्त केल्या.

थोड्याच वेळात नाणेफेक होणार आहे. “भारतीय संघाचा कर्णधार रोहित शर्मा आधी क्षेत्ररक्षण करण्याचा निर्णय घेईल. कारण टीम इंडिया धावांचा पाठलाग करताना नेहमी यशस्वी होते.” असे मत सुनील गावसकर यांनी व्यक्त केले.

या स्पर्धेसाठी गेल्या आठवड्यात तीन वेगवेगळ्या खेळपट्ट्या वापरल्या गेल्या आहेत. त्यातील न्यूझीलंड-आयर्लंड आणि ऑस्ट्रेलिया-अफगाणिस्तान सामन्यासाठी ज्या खेळपट्ट्या वापरल्या गेल्या त्यावरच उपांत्य सामना होण्याची अपेक्षा आहे. खेळपट्टी थोडी स्लो झाली असून धावांचा पाठलाग करताना दुसरी फलंदाजी करणाऱ्या संघाला अडचण होऊ शकते. या खेळपट्टीवर दोन्ही देशांचे कर्णधार नाणेफेक जिंकून प्रथम फलंदाजी करण्याचा निर्णय घेतील. १७० ते १९० ही धावसंख्या या मैदानाची सरासरी मानली जाते. मैदानाच्या दोन बाजू या लहान आहेत, त्यामुळे धावा या खूप होऊ शकतील अशी सुनील गावसकर यांनी पिच रिपोर्ट मध्ये माहिती दिली.

भारत-इंग्लंड सामन्यात रवी शास्त्रींना विराट कोहली यांच्यासोबत आणखी दोन खेळाडूकडून चांगल्या कामगिरीची अपेक्षा असणार आहे. त्यात त्यांनी सूर्यकुमार यादव आणि अर्शदीप सिंग या दोघांची नावे घेतली.

संपूर्ण भारतीय संघ सामन्यासाठी ॲडलेड येथील ओव्हल मैदानात दाखल झाला आहे. मैदानात दाखल होण्यापूर्वी चाहत्यांनी त्यांच्या बसला गराडा घातला आणि इंडिया-इंडिया अशा घोषणा दिल्या.

भारत वि. इंग्लंड सामन्यासाठी बीसीसीआय सचिव जय शाह आणि अध्यक्ष रॉजर बिन्नी या दोघांनी टीम इंडियाला शुभेच्छा दिल्या. चाहते देखील भारतीय संघांच्या विजयासाठी प्रार्थना करत आहेत. १५ वर्षाचा दुष्काळ भारतीय संघ संपवणार का याकडे सर्वांचे लक्ष लागले आहे.

भारत-इंग्लंड सामन्याआधी टीम इंडियाच्या चाहत्यांचा उत्साह शिगेला पोहचला आहे. देशभक्तीचे वेगवेगळे गाणे ते गात आहेत. टीम इंडियाचे दुसरे होमग्राउंड ॲडलेड झाले आहेत. 'जितेगा भाई जितेगा इंडिया जितेगा' असे नारे देत आहेत.

भारतीय संघाने इंग्लंडविरुद्ध सगळी तयारी पूर्ण केली आहे. सर्व प्रकारचे प्लान्स कर्णधार रोहितने तयार ठेवले. टीम इंडियाने सामन्याआधी कसून सराव देखील केला आहे.

'हम हे तय्यार!' असे म्हणत रोहित सेना आज टी२० विश्वचषक २०२२ मधील उपांत्य फेरीतील दुसरा सामन्यात आज भारत इंग्लंडशी दोन हात करणार आहे. फायनलचे तिकीट मिळवण्यासाठी टीम इंडिया सज्ज झाली आहे.