T20 World Cup 2022, IND vs ZIM Highlights Score Updates: टी२० विश्वचषक २०२२ मधील सुपर-१२ फेरीतील शेवटचे ३ सामने रविवारी (दि. ५ नोव्हेंबर) खेळले गेले. यातील तिसरा सामना भारत विरुद्ध झिम्बाब्वे संघात मेलबर्न येथे संपन्न झाला. भारतीय संघ टी२०विश्वचषकाच्या उपांत्य फेरीत अगोदरच पोहचला असून झिम्बाब्वेविरुद्धचा सामना केवळ औपचारिकता होती. पण गटातील अव्वलस्थान कायम राखण्यासाठी टीम इंडियाला हा विजय आवश्यक होता आणि त्यांनी तो मिळवला. टी२० विश्वचषकातील अखेरच्या साखळी सामन्यात भारतीय संघाने झिम्बाब्वेवर ७१ धावांनी विजय मिळवत उपांत्य फेरीत थाटात प्रवेश केला. सूर्यकुमार यादवची झंझावती खेळी आणि लोकेश राहुलच्या अर्धशतकाच्या जोरावर भारताने तगडे लक्ष्य उभे केले. त्यानंतर गोलंदाजांनी त्यांची जबाबदारी चोख पार पाडली. भारताने या विजयासह ग्रुप २ मध्ये ८ गुणांसह अव्वल स्थान कायम राखले. उपांत्य फेरीत त्यांच्यासमोर इंग्लंडचे आव्हान असणार आहे.
भारताने झिम्बाब्वेसमोर १८७ धावांचे लक्ष्य ठेवले आहे. नाणेफेक जिंकून प्रथम फलंदाजी करताना टीम इंडियाने २० षटकांत ५ गडी गमावून १८६ धावा केल्या.आजच्या सामन्यात भारतीय संघात दिनेश कार्तिक ऐवजी ॠषभ पंतला संधी देण्यात आली. सलामीला आलेला कर्णधार रोहित शर्मा पुन्हा एकदा मोठी धावसंख्या उभारण्यात अपयशी ठरला. तो केवळ १५ धावा करून बाद झाला. त्यानंतर आलेल्या विराट कोहलीने केएल राहुलसोबत ६० धावांची भागीदारी करत मोठी धावसंख्या उभारण्याचा प्रयत्न केला. केएल राहुलने या सामन्यात अर्धशतक झळकावले. हे त्याचे टी२० विश्वचषकातील सलग दुसरे अर्धशतक होते. त्याने यावेळी ५१ धावांची खेळी केली. यामध्ये ३ चौकार आणि ३ षटकारांचा समावेश होता. त्याचबरोबर सूर्यकुमारने २५ चेंडूत ६१ धावांची नाबाद खेळी खेळली. त्याने सामन्याच्या शेवटी काही अविश्वसनीय फटके मारले. सूर्यकुमारने आपल्या खेळीत सहा चौकार आणि चार षटकार मारले. या दोघांव्यतिरिक्त विराट कोहली (२६) आणि हार्दिक पंड्या (१८) यांनी दोन आकडी धावसंख्या पार करत संघाच्या धावसंख्येत मोलाचे योगदान दिले. दिनेश कार्तिकच्या जागी संधी मिळालेल्या ॠषभ पंत याला या सामन्यात फक्त ३ धावा करता आल्या.
झिम्बाब्वेकडून गोलंदाजी करताना चार गोलंदाजांना विकेट्स घेण्यात यश आले. शॉन विलियम्स याने सर्वाधिक विकेट्स घेतल्या. त्याने २ षटकात ९ धावा देत २ गडी बाद करण्याची कामगिरी केली. त्याच्याव्यतिरिक्त सिकंदर रझा, ब्लेसिंग्स मुझरबानी आणि रिचर्ड नगारवा यांनी प्रत्येकी एक गडी बाद केला. उपांत्य फेरीतील टीम इंडियाचा सामना ऐतिहासिक अॅडलेड ओव्हल मैदानावर १० तारखेला होणार आहे. जर हा सामना पावसामुळे रद्द झाला तर भारत थेट अंतिम फेरीत पोहचेल.
India vs Zimbabwe Highlights Match Updates in Marathi: भारत विरुद्ध झिम्बाब्वे हायलाइट्स अपडेटस्
ग्रुप बी मध्ये अव्वल स्थान कायम राखत टीम इंडियाचा झिम्बाब्वे तब्बल ७१ धावांनी विजय
झिम्बाब्वे सर्वबाद ११५
सामना सुरु असताना टीम इंडियाचा चाहता कर्णधार रोहित शर्मा आणि विराट कोहलीला भेटण्यासाठी थेट मैदानात आला.
झिम्बाब्वे ११५-९
झिम्बाब्वेची एकमेव आशा असणारा सिकंदर रझा ३४ धावा करून बाद झाला आहे. हार्दिक पांड्याने त्याला बाद केले.
झिम्बाब्वे १११-९
आर. अश्विनने एकाच दोन गडी बाद केले. नागरवा रिचर्ड अवघी एक धाव काढून बाद झाला.
झिम्बाब्वे १०६-८
https://twitter.com/BCCI/status/1589214009357914112?s=20&t=qCQZ6VV1_bIqYw0iGsIa2Q
झिम्बाब्वे संघ पूर्णपणे आता सामन्यातून बाहेर पडला असे वाटते आहे. मासकाडजा वेलिंग्टन अवघी १ धाव करून बाद झाला. अश्विनला त्याची दुसरी विकेट मिळाली.
झिम्बाब्वे १०४-७
https://twitter.com/BCCI/status/1589212866053570564?s=20&t=MBfxtwdyuGx9FbcW9Izppg
झिम्बाब्वेची मोठ्या पडझडीनंतर बर्ल रेयान आणि सिकंदर रझा यांच्यात अर्धशतकी भागीदारी झाल्यावर आर. अश्विनने बर्ल रेयानला त्रिफळाचीत केले. त्याने ३५ धावा केल्या.
झिम्बाब्वे ९६-६
https://twitter.com/BCCI/status/1589210755723046913?s=20&t=CsrntO-ZEm8N2E7iSf9O8Q
झिम्बाब्वेची मोठ्या पडझडीनंतर बर्ल रेयान आणि सिकंदर रझा यांच्यात अर्धशतकी भागीदारी झाली.
झिम्बाब्वे ९५-५
दहा षटकात टीम इंडियाने केलेल्या धावांच्या तुलनेत झिम्बाब्वे खूप मागे पडली आहे. ६० चेंडूत १२८ धावा करायच्या आहेत.
झिम्बाब्वे ५९-५
भुवनेश्वर कुमार आणि हार्दिक पांड्याच्या गोलंदाजीवर टीम इंडियाने दोन्ही रिव्ह्यू गमावले.
झिम्बाब्वे ४७-५
मोहम्मद शमीने झिम्बाब्वेला आणखी एक धक्का दिला. मुन्योंगा टोनीने अवघ्या ५ धावा करत तंबूत परतला.
झिम्बाब्वे ३६-५
https://twitter.com/BCCI/status/1589204049806913536?s=20&t=ChM4j87vpY0Jbn2C2OC95A
हार्दिक पांड्याने कर्णधार क्रेग एरविन बाद केले. त्याने स्वतःच्या गोलंदाजीवर झेल घेत अनोख्या पद्धतीने बाद केले. त्याने १३ धावा केल्या.
झिम्बाब्वे ३१-४
https://twitter.com/BCCI/status/1589202672107724800?s=20&t=R0edKJKpbcVVRye7OVabfQ
पॉवर प्ले मध्ये झिम्बाब्वेची अडखळत सुरुवात झाली आहे. पहिल्या दोन विकेट्स लवकर पडल्यानंतर कर्णधार क्रेग एरविन आणि विलियम्स शॉन यांनी डाव सावरण्याचा प्रयत्न करत असताना मोहम्मद शमीने विलियम्सला भुवनेश्वरकरवी झेलबाद केले.
झिम्बाब्वे २८-३
https://twitter.com/BCCI/status/1589201696676143104?s=20&t=S9OiTkOHDc441tISg73NFg
चकाब्वा रेगिस देखील भोपळा फोडण्यात अपयशी ठरला. अर्शदीप सिंगने झिम्बाब्वेला दुसरा धक्का दिला. झिम्बाब्वे संघ अडचणीत
झिम्बाब्वे २-२
https://twitter.com/BCCI/status/1589196054443933697?s=20&t=UVuVSGe7IcUEaNtS4Y0kdQ
झिम्बाब्वेची सुरुवात खराब झाली. पहिल्या षटकात सलामीवीर मधिवीरे वेस्ली बाद झाला आणि भुवनेश्वरने पहिले षटक निर्धाव टाकले.
झिम्बाब्वे ०-१
मधिवीरे वेस्ली भोपळाही न फोडता माघारी परतला. भुवनेश्वरने विराटकरवी झेल घेत पहिल्याच चेंडूवर बाद केले.
झिम्बाब्वे ०-१
https://twitter.com/BCCI/status/1589193938421788673?s=20&t=uFxW6qugVMsqKzgQ-a0RzQ
सुर्यकुमारच्या वादळी खेळीने झिम्बाब्वेसमोर ठेवले १८७ धावांचे आव्हान ठेवले आहे.
भारत १८६-५
सुर्यकुमार यादवने आपला फॉर्म कायम ठेवत शानदार अर्धशतक झळकावले. २३ चेंडूत ५१ धावा केल्या. तब्बल २०० पेक्षा अधिकच्या सरासरीने त्याने या धावा केल्या.
भारत १७६-५
https://twitter.com/BCCI/status/1589190255772856320?s=20&t=7jmwhGgNfB6hDXnQJCwCcQ
मोठा फटका मारण्याच्या नादात हार्दिक पांड्या बाद झाला असून त्याने १८ धावा केल्या.
भारत १६६-५
एका वर्षात टी२० क्रिकेटमध्ये १००० धावा पूर्ण करणारा सुर्यकुमार यादव हा पहिलाच भारतीय ठरला आहे.
भारत १५२-४
https://twitter.com/BCCI/status/1589187260964294657?s=20&t=MEF_iEs52LPBqasv4vswdA
१७० पेक्षा अधिक धावसंख्या करण्यासाठी शेवटच्या तीन षटकात आणखी मोठे फटके मारण्याची गरज आहे. खास करून हार्दिक पांड्याला धावगती वाढवणे गरजेचे आहे.
भारत १३८-४
हार्दिक पांड्या आणि सुर्यकुमार यादव यांच्या एका षटकात तीन चौकार मारत टीम इंडियाच्या बाजूने मोमेंटम बदलला. त्या षटकात १८ धावा काढल्या.
भारत १२९-४
दिनेश कार्तिकच्या संघात संधी मिळालेला ॠषभ पंत अवघ्या तीन धावा करून बाद झाला. टीम इंडिया थोडी अडचणीत
भारत १०१-४
https://twitter.com/BCCI/status/1589182097284997120?s=20&t=VvBpZLZON00JD6dLbzvIGA
केएल राहुलने शानदार अर्धशतक करत दुसऱ्याच चेंडूवर बाद झाला. त्याने ३५ चेंडूत ५१ धावा केल्या. त्याला सिकंदर रझाने बाद केले.
भारत ९५-३
https://twitter.com/BCCI/status/1589180459862626304?s=20&t=pKPGBFQyWzY759MmcsNYaw
टीम इंडियाला मोठा धक्का बसला. विराटने २५ चेंडूत २६ धावा केल्या. त्याला विलियम्स शॉनने बाद केले.
भारत ८७-२
https://twitter.com/BCCI/status/1589179609589088256?s=20&t=67KNw8oY3Cg0Dyr3D-CBJg
विराट कोहली आणि केएल राहुल यांच्या अर्धशतकी भागीदारीने टीम इंडिया पहिल्या दहा षटकात मजबूत स्थितीत पोहचली आहे.
भारत ७९-१
भारताचे ५० धावा पूर्ण झाल्या. विराट कोहली आणि राहुल यांना मोठी भागीदारी करण्याची गरज आहे.
भारत ५८-१
पॉवर प्ले मध्ये भारताने चांगली सुरुवात केली आहे. कर्णधार रोहित बाद झाल्यानंतर इन-फॉर्म फलंदाज विराट कोहली आणि केएल राहुल यांनी डाव सावरण्याचा प्रयत्न केला.
भारत ४६-१
टीम इंडियाला पहिला धक्का बसला असून कर्णधार रोहित शर्मा १५ धावांवर बाद झाला. त्याला मुजरबानी ब्लेसिंगने बाद केले.
भारत २७-१
https://twitter.com/BCCI/status/1589170700828299265?s=20&t=EltWUHHRKbeRsrQvJloLmQ
केएल राहुलने शानदार षटकार मारत भारताला सुरुवात करून दिली. त्याच्या या षटकारावर विराटने देखील टाळ्या वाजवल्या.
भारत २०-०
पहिल्या नऊ चेंडूनंतर पहिली धाव टीम इंडियाने काढली. झिम्बाब्वेची चांगली सुरुवात
भारत २-०
