When Indian Team Reach India After Winning T20 World Cup 2024: रोहित शर्माच्या नेतृत्वाखाली, भारतीय क्रिकेट संघाने २९ जून रोजी बार्बाडोसमधील केन्सिंग्टन ओव्हल मैदानावर टी-२० विश्वचषकाचे जेतेपद पटकावले. दक्षिण आफ्रिकेविरूद्धच्या अंतिम सामन्यात ७ धावांनी रोमहर्षक विजय मिळवत ११ वर्षांपासून सुरू असलेला आयसीसी ट्रॉफीचा दुष्काळ संपवला. तेव्हापासून सर्व भारतीय चाहते संघाच्या देशात परतण्याची आतुरतेने वाट पाहत आहेत. पण बार्बाडोसमधील चक्रिवादळामुळे संघ दोन दिवस तिथेच अडकला होता. पण आता भारतीय संघ मायदेशात कधी परतणार याचे अपडेट समोर आले आहेत. हेही वाचा - “तो कधी सीमारेषेजवळ नसतो पण…”, सूर्यकुमारचा फायनलमधील कॅचबद्दल मोठा खुलासा; म्हणाला, “रोहितकडे चेंडू फेकणार होतो” अंतिम सामन्यानंतर बार्बाडोसमध्ये चक्रीवादळामुळे विमानतळावरून उड्डाणे बंद केल्यामुळे टीम इंडियाला तिथेच थांबाव लागलं. आता संघाच्या पुनरागमनाबाबत एक मोठे अपडेट समोर आले आहे ज्यात त्यांच्या लवकरच रवाना होणार असल्याची माहिती देण्यात आली आहे. Thank you @JayShah for getting Indian media home with triumphant Indian cricket team from Hurricane-hit Barbados.For all of us, it was the only way out of here with another storm expected tomorrow. The special Air India fight expected to land in Barbados by 1 am local time Jul 3 pic.twitter.com/OXOPZj7iM5— Bharat Sharma (@sharmabharat45) July 3, 2024 हेही वाचा - T20 WC 2024: रोहित ऋषभची ‘ती’ युक्ती ठरली सामन्याचा खरा टर्निंग पॉईंट, १७ व्या षटकापूर्वी नेमकं काय घडलं? चर्चेला आलंय उधाण बार्बाडोसमध्ये आलेल्या चक्रीवादळानंतर तेथील पंतप्रधानांनी २ जुलै रोजी दिलेल्या निवेदनात पुढील ६ ते १२ तासांत विमानतळाचे काम सुरू केले जाऊ शकते, अशी माहिती दिली होती. अनेक रिपोर्ट्सनुसार, टीम इंडिया ३ जुलै रोजी स्थानिक वेळेनुसार पहाटे १ वाजता बार्बाडोसवरून रवाना होईल, त्यानंतर संघ गुरुवार, ४ जुलै रोजी भारतात पोहोचेल. अंतिम सामना पाहण्यासाठी बार्बाडोसमध्ये पोहोचलेले बीसीसीआयचे सचिव जय शाह देखील टीम इंडियासोबत परतणार आहेत, ज्यात खेळाडूंव्यतिरिक्त सपोर्ट स्टाफचाही समावेश आहे. Special thanks to @JayShah for taking the initiative and ‘rescuing’ stranded Indian media in Barbados. As a gesture, the 20-odd media contingent have been offered to fly out with the Indian team on the special chartered flight from Barbados to Delhi! The special flight will take…— Vikrant Gupta (@vikrantgupta73) July 3, 2024 Finally getting out of Barbados tonight. Thanks to the efforts of @BCCI & @JayShah to put us on the chartered flight with the Indian team back to Delhi. It was proving to be an impossible task to get an exit out of the island after #HurricaneBeryl. The World Cup champions should…— Nikhil Naz (@NikhilNaz) July 3, 2024 वर्ल्डकप कव्हर करण्यासाठी भारतीय मीडियादेखील कॅरेबियनमध्ये पोहोचला होता. आता त्यांना भारतीय संघ आणि सपोर्ट स्टफसह भारतात आणण्याची व्यवस्था बीसीसीआय आणि जय शाह यांनी केली आहे. २० पत्रकारांची तुकडी असलेला संघ स्पेशल विमानाने परतणार आहे. बार्बाडोसमध्ये अडकलेल्या काही पत्रकारांनी ट्विट करत भारतीय संघ मायदेशी कधी परतेल याचे अपडेट दिले आहेत. विश्वविजेता भारतीय संघ ४ जुलै रोजी पहाटे ४ वाजता दिल्लीला पोहोचेल, अशी माहिती देण्यात आली आहे. त्याचसोबत आज सकाळी ट्रॉफीचा एक व्हीडिओ बीसीसीआयने शेअर केला आहे, संघ ट्रॉफी घेऊन लवकरच मायदेशी येईल असा मेसेज दिला आहे.
