USA VS IRE T20 World Cup: पाकिस्तान ट्वेन्टी२० वर्ल्डकपमधून माघारी; अमेरिकेचं सुपर८चं स्वप्न साकार

अमेरिकेने सलामीच्या लढतीत कॅनडावर ७ विकेट्सनी विजय मिळवला. पाकिस्तानविरुद्धची त्यांची लढत टाय झाली. मात्र सुपर ओव्हरमध्ये त्यांनी बाजी मारली. बलाढ्य भारतीय संघालाही त्यांनी टक्कर दिली पण त्यांना विजय मिळवता आला नाही. आयर्लंडविरुद्धची लढत रद्द झाल्याने अमेरिकेचे ४ सामन्यांनंतर ५ गुण झाले आणि सुपर८ फेरीतला प्रवेश पक्का झाला.

आणखी वाचा

Pak vs New: भारतीय महिला संघाचं टी२० वर्ल्डकपमधलं आव्हान संपुष्टात; पाकिस्तानला नमवत न्यूझीलंड सेमी फायनलमध्ये

“लग्नाची बातमी सर्वात आधी राज ठाकरेंना…”, प्रेमाची जाहीर…

PAK vs ENG : ‘तो पाकिस्तान क्रिकेटचा…’, बाबर-शाहीन आणि नसीम यांना संघातून डच्चू देण्यावर बेन स्टोक्स काय म्हणाला? पाहा VIDEO

IND vs AUS : भारताविरुद्धच्या मालिकेपूर्वी ऑस्ट्रेलियाला मोठा धक्का! स्टार अष्टपैलू खेळाडू झाला बाहेर

ऑस्ट्रेलियाने पाकिस्तानचा धुव्वा उडवत भारताची वाढवली डोकेदुखी, टीम इंडिया कशी पोहोचणार उपांत्य फेरीत?

PAK vs ENG : इंग्लंडविरुद्धचा लाजिरवाणा पराभव पाकिस्तानच्या जिव्हारी, पीसीबीने ‘या’ बाबतीत केला मोठा बदल

‘पाकिस्तान भारताकडून हरला की मॅच फिक्सिंगचे आरोप व्हायचे…’, पाकिस्तानच्या माजी खेळाडूचे मोठे वक्तव्य

Afghanistan : अफगाणिस्तानचा दक्षिण आफ्रिकेला दणका; ६ विकेट्सनी विजय

अ गटातून भारत आणि अमेरिकेचा संघ सुपर८ फेरीत दाखल झाला आहे. पाकिस्तान, आयर्लंड यांचं आव्हान संपुष्टात आलं आहे. ब गटातून ऑस्ट्रेलियाने सुपर८ फेरी गाठली आहे. दुसऱ्या स्थानासाठी इंग्लंडचा संघ दावेदार आहे. क गटातून वेस्ट इंडिज आणि अफगाणिस्तानने दिमाखात सुपर८ फेरीत वाटचाल केली आहे. अफगाणिस्तानच्या झंझावातामुळे न्यूझीलंडसारख्या मोठ्या संघाला गाशा गुंडाळावा लागला आहे. ड गटातून दक्षिण आफ्रिकेने सुपर८ फेरीत आगेकूच केली आहे. दुसऱ्या स्थानासाठी बांगलादेश आणि नेदरलँड्स यांच्यात चुरस आहे. या गटातून श्रीलंकेवर परतीची वेळ ओढवली आहे.

२००७ मध्ये झालेल्या पहिल्यावहिल्या टी२० वर्ल्डकप स्पर्धेत पाकिस्तानने फायनलमध्ये धडक मारली होती. महेंद्रसिंग धोनीच्या नेतृत्वात खेळणाऱ्या भारतीय संघाने त्यांना हरवत जेतेपदाची कमाई केली. दोनच वर्षात झालेल्या चुकातून शिकत सुधारत पाकिस्तानने टी२० वर्ल्डकपच्या जेतेपदावर कब्जा केला. त्यानंतर २०१० आणि २०१२ स्पर्धेत त्यांनी सेमी फायनलमध्ये आगेकूच केली होती. २०१४ आणि २०१६ मध्ये त्यांचं आव्हान दुसऱ्या फेरीतच आटोपलं. पाच वर्षानंतर २०२१ मध्ये पुन्हा एकदा त्यांनी सेमी फायनलमध्ये मुसंडी मारली. २०२२ स्पर्धेत त्यांना उपविजेतेपदावर समाधान मानावं लागलं. यंदा मात्र अंतर्गत बंडाळ्यांनी ग्रस्त पाकिस्तान संघाला प्राथमिक फेरीतूनच परतावं लागणार आहे.

पाकिस्तानचा टी२० वर्ल्डकपमधला प्रवास
२००७- उपविजेते
२००९- विजेते
२०१०- सेमी फायनल
२०१२- सेमी फायनल
२०१४- दुसरी फेरी
२०१६- दुसरी फेरी
२०२१- सेमी फायनल
२०२२- उपविजेते
२०२४- प्राथमिक फेरी