टी-२० विश्वचषक २०२२ मधील ३९ वा सामना आज इंग्लंड विरुद्ध श्रीलंका संघात पार पडणार आहे. हा सामना सिडनी येथे खेळला जाणार आहे. या सामन्यांची नाणेफेक पार पडली आहे. श्रीलंका संघाने नाणेफेक जिंकून प्रथम फलंदाजी करण्याचा निर्णय घेतला आहे. या सामन्याला दुपारी १:३० वाजता सुरुवात होईल. इंग्लंड संघाच्या दृष्टीने हा सामना खुप मह्त्वाचा आहे.
या सामन्याच्या निकालावर गट-१ मधून उपांत्य फेरी गाठणारा दुसरा संघ निश्चित होणार आहे. इंग्लंडने विजय मिळवल्यास ते उपांत्य फेरीत स्थान मिळवतील, तर श्रीलंकेला सामना जिंकण्यात यश आल्यास ऑस्ट्रेलिया आगेकूच करण्यात मदत होणार आहे.
इंग्लंडला कर्णधार जोस बटलर, अॅलेक्स हेल्स, डेव्हिड मलान आणि लियाम लििव्हगस्टोन यांच्याकडून फलंदाजीत चांगल्या कामगिरीची अपेक्षा असेल, तर गोलंदाजीची धुरा मार्क वूड, ख्रिस वोक्स आणि सॅम करन सांभाळतील. श्रीलंकेला या सामन्यात विजय मिळवायचा झाल्यास वानिंदू हसरंगा आणि धनंजय डिसिल्वा यांना दर्जेदार कामगिरी करावी लागेल.
उपांत्य फेरी गाठण्यासाठी इंग्लंडला विजय अनिवार्य आहे. श्रीलंकेचे स्पर्धेतील आव्हान संपुष्टात आले असले, तरी त्यांनी उलटफेर केल्यास ऑस्ट्रेलियाला उपांत्य फेरीत स्थान मिळेल. तसेच सामना पावसामुळे रद्द झाला, तरी इंग्लंडचा संघ स्पर्धेबाहेर जाईल. ऑस्ट्रेलियाच्या (-०.१७३) तुलनेत इंग्लंडची (०.५४७) निव्वळ धावगती सरस आहे. मात्र, इंग्लंडचा पराभव झाल्यास निव्वळ धावगतीला महत्त्वच राहणार नाही.
इंग्लंड (प्लेइंग इलेव्हन): जोस बटलर (कर्णधार,यष्टीरक्षक), अॅलेक्स हेल्स, मोईन अली, लियाम लिव्हिंगस्टोन, हॅरी ब्रूक, बेन स्टोक्स, सॅम करन, डेविड मलान, ख्रिस वोक्स, आदिल रशीद आणि मार्क वुड.
श्रीलंका (प्लेइंग इलेव्हन): पाथुम निसांका, कुसल मेंडिस (यष्टीरक्षक), धनंजया डी सिल्वा, चारिथ असलंका, भानुका राजपक्षे, दासुन शानाका (कर्णधार), वानिंदू हसरंगा, चमिका करुणारत्ने, महेश तिक्षाना, लाहिरू कुमारा, कसून राजीता
