Sunil Gavaskar Angry on ICC After IND vs Can Cancelled Due to Rain: आयसीसी टी-२० विश्वचषक २०२४ चे प्रथमच अमेरिकेत आयोजन करण्यात आले. अमेरिका देशात क्रिकेटच्या प्रसारासाठी हा विश्वचषक अमेरिकेत आयोजित करण्यात आला. वर्ल्डकप सामने खेळले जावे यासाठी आयसीसीने अनेक प्रयत्नही केले, पण खेळताना काही गैरसोयींचा संघांना सामना करावा लागला. फ्लोरिडामधील भारत वि कॅनडा सामना रद्द झाल्याने भारताचे माजी खेळाडू सुनील गावसकर आयसीसीवर चांगलेच भडकले आहेत.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

अमेरिकेत खेळवल्या जाणाऱ्या टी-२० विश्वचषकातील सामन्यातील बहुतेक सामने पावसामुळे अडचणीत आले आहेत. लॉडरहिल, फ्लोरिडा येथे पावसामुळे लागोपाठ दोन सामने रद्द झाले. त्यामुळे पाकिस्तानसारखा बलाढ्य संघ सुपर८ च्या शर्यतीतून बाहेर पडला. अशा परिस्थितीत आता भारताच्या माजी क्रिकेटपटूनेही आयसीसीला फटकारले आहे. अमेरिकेतील सुविधा पाहून कॉमेंट्री करताना गावसकर भडकले.

हेही वाचा – IND vs CAN: पाऊस नसतानाही का रद्द झाला भारत वि कॅनडा सामना? जाणून घ्या कारण

स्टार स्पोर्ट्स कॉमेंट्री पॅनलचे सदस्य असलेले सुनील गावस्कर यांनी फ्लोरिडामध्ये भारत आणि कॅनडा यांच्यातील सामना रद्द झाल्यानंतर निराशा व्यक्त केली आहे. गावसकर म्हणाले, “आयसीसीने अशा ठिकाणी सामने आयोजित करू नये जिथे संपूर्ण मैदान पावसापासून सुरक्षित ठेवण्याची व्यवस्था नाही. फक्त खेळपट्टी कव्हर्सने झाकली आणि उर्वरित मैदान पावसाच्या पाण्याने ओलं होतंय तुम्ही असे करू शकत नाही.”

हेही वाचा – गिलने रोहित शर्माला केलं अनफॉलो? शिस्तभंग केल्याने वर्ल्डकप संघातून शुबमनला रिलीज करणार? सोशल मीडियावर चर्चांना उधाण

पावसामुळे सामना रद्द झाल्याने इंग्लंडचा माजी कर्णधार मायकेल वॉनही वैतागला. मायकेल वॉन यांनी ट्विट केले, ‘संपूर्ण मैदान कव्हर करण्यासाठी अधिक कव्हर्स कसे नाहीत हे माझ्या समजण्यापलीकडचं आहे. सामन्यांमध्ये सगळा पैसा गुंतवला आहे आणि तरीही ओल्या आउटफिल्डमुळे सामने रद्द करण्यात येत आहेत.’ हे फक्त अमेरिकेतच नाही तर वेस्ट इंडिजमध्येही आहे. विश्वचषक अमेरिका आणि वेस्ट इंडिज संयुक्तपणे यंदाच्या टी-२० विश्वचषकाचे आयोजक आहेत.

हेही वाचा – T20 WC 2024: “शाहीन नाराज, रिजवानला हवे होते कर्णधारपद” पाकिस्तान संघात दुफळी

पावसामुळे इंग्लंड संघाला चांगलाच फटका बसला. त्यांचा स्कॉटलंडविरुद्धचा पहिला सामना पावसामुळेच रद्द झाला. याच कारणामुळे गतविजेत्या इंग्लंडला आता सुपर८ मधून बाहेर पडण्याचा धोका आहे. अँटिगामध्ये होणाऱ्या नामिबियाविरुद्धच्या करो या मरो सामन्यालाही पावसाचा फटका बसला आहे.