T20 World Cup 2022: ‘मारने का मूड ही नही…’, म्हणताच पुढच्याच चेंडूवर सूर्या बाद, आवाज स्टंपच्या माईकमध्ये कैद, पाहा VIDEO

आपल्या डावादरम्यान त्याने अनेक पॅडल आणि स्वीप शॉट मारले. या धावा करताना त्याने १ षटकार आणि ६ चौकारासह शानदार अर्धशतक साजरे केले. यावेळी त्याचा आवाज स्टंप माईकमध्ये रेकॉर्ड झाला, जो आता सोशल मीडियावर जोरदार व्हायरल होत आहे. अर्धशतक झळकावल्यानंतर सूर्यकुमारने दुसऱ्या बाजूला उभ्या असलेल्या अक्षर पटेल याला म्हटले की, तो चेंडू मारण्याच्या मूडमध्ये नाहीये. त्याचा हा आवाज स्पष्टरीत्या ऐकू येत होता.

सूर्या बाद होण्याआधीच त्याच्या तोंडून निघणारी कमेंट सोशल मीडियावर व्हायरल होत आहे. सूर्यकुमार यादव शेवटच्या षटकात अडखळत खेळताना दिसला. त्यामुळे तो थोडा नाराजही होता. दरम्यान, ‘मारने का मूड ही नहीं हो रहा है यार।’, असे सूर्यकुमार यादवचे शब्द हे त्या स्टंप माईकमध्ये ऐकू आले. हे लक्षात घेण्यासारखे होते की त्यानंतर लगेचच तो स्क्वेअर लेग क्षेत्राकडे चुकीचा फ्लिक शॉट खेळताना पुढच्या चेंडूवर बाद झाला. झेल थेट वेगवान गोलंदाज केन रिचर्डसनच्या हाती लागला. झेल थेट वेगवान गोलंदाज केन रिचर्डसनच्या हाती लागला.

हेही वाचा : T20 World Cup 2022: रोहितला चक्क ११ वर्षाच्या मुलाने केली गोलंदाजी, कोण आहे तो मुलगा जाणून घ्या

सूर्यकुमार यादव सध्या जबरदस्त फॉर्ममध्ये आहे आणि टीम इंडिया टी२० विश्वचषक २०२२ मध्ये त्याच्या फलंदाजीवर खूप अवलंबून आहे. सध्या सूर्यकुमार यादव हा टी२० क्रिकेटमध्ये जगातील नंबर-२ फलंदाज आहे. दुसरीकडे, सामन्याबद्दल बोलायचे झाले तर, नाणेफेक गमावून प्रथम फलंदाजी करताना टीम इंडियाने २० षटकात ७ गडी गमावून १८६ धावा केल्या.