ENG vs AUS T20 World Cup 2022 : इंग्लंडविरुद्धच्या सामन्यापूर्वी ऑस्ट्रेलियाच्या अडचणी वाढल्या, ‘या’ प्रमुख खेळाडूला झाली कोरोनाची लागण

अशा परिस्थितीत वेड या महत्त्वाच्या सामन्यात खेळताना दिसू शकतो. फक्त तब्येत चांगली राहावी लागेल. कारण ऑस्ट्रेलियन संघाकडे बॅकअप यष्टीरक्षक फलंदाज नाही. वास्तविक जोश इंग्लिस ऑस्ट्रेलियन संघाचा भाग होता, परंतु 2022 च्या टी-२० विश्वचषक स्पर्धेपूर्वी गोल्फ खेळताना तो जखमी झाला होता. त्यामुळे बॅकअप म्हणून ऑस्ट्रेलियन संघाने कॅमेरुन ग्रीनला संधी दिली. अशा परिस्थितीत ऑस्ट्रेलियन संघासाठी मॅथ्यू वेडची भूमिका महत्त्वाची ठरते.

हेही वाचा – IND vs NED T20 World Cup 2022 : सिडनीत ऑस्ट्रेलियन फलंदाजांपेक्षा विराटच सरस, पाहा ‘ही’ आकडेवारी

वेडच्या आधी अॅडम झाम्पा देखील कोविड-१९ चाचणीत पॉझिटिव्ह आढळला होता. ग्रुप-१ मध्ये इंग्लंडला मागील सामन्यात आयर्लंडविरुद्ध पराभवाचा सामना करावा लागला होता. दुसरीकडे, ऑस्ट्रेलियाला पहिल्या सामन्यात न्यूझीलंडविरुद्ध मोठ्या पराभवाला सामोरे जावे लागले होते. मात्र त्यानंतर त्यांनी श्रीलंकेविरुद्ध सात विकेट्सने विजय नोंदवला. गुणतालिकेत सध्या इंग्लंड तिसऱ्या तर ऑस्ट्रेलिया पाचव्या स्थानावर आहे. हा सामना जिंकणे दोन्ही संघांसाठी खूप महत्त्वाचा आहे.