T20 World Cup 2022 New Zealand set a target of 201 runs against Australia vbm 97

प्रथम फलंदाजी करताना न्यूझीलंडने ३ बाद २०० धावा केल्या आहेत. त्याचबरोबर ऑस्ट्रेलिया संघाला २०१ धावांचे लक्ष्य दिले आहे.

संग्रहित छायाचित्र (ट्विटर)

टी-२० विश्वचषक २०२२ मधील सुपर-१२ सामन्यांना आजपासून सुरुवात झाली आहे. यामधील पहिला सामना गट १ मध्ये सामना यजमान ऑस्ट्रेलिया आणि न्यूझीलंड संघात खेळला जात आहे. या सामन्यामध्ये प्रथम फलंदाजी करताना न्यूझीलंडने ३ बाद २०० धावा केल्या आहेत. त्याचबरोबर ऑस्ट्रेलिया संघाला २०१ धावांचे लक्ष्य दिले आहे.

तत्पुर्वी ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला. गेल्या वर्षी टी-२० विश्वचषकाच्या अंतिम फेरीत ऑस्ट्रेलियाने न्यूझीलंडचा पराभव केला होता. त्या पराभवाचा बदला घेण्यासाठी किवी संघ आज मैदानात उतरला आहे. किवी संघाकडून सलामीवीर डेव्हॉन कॉन्वेने सर्वाधिक नाबाद ९२ धावा केल्या.

New Zealand have dominated proceedings in the Powerplay ?#T20WorldCup | #AUSvNZ | ? Scorecard: https://t.co/1mYxKgn4aP pic.twitter.com/uQiM1ycmYl
— T20 World Cup (@T20WorldCup) October 22, 2022

त्याने ५८ चेंडूंच्या खेळीत सात चौकार आणि दोन षटकार मारले. कॉनवेशिवाय फिन ऍलनने १६ चेंडूत ४२ आणि जेम्स नीशमने १३ चेंडूत नाबाद २६ धावा केल्या. कर्णधार केन विल्यमसनने २३ आणि ग्लेन फिलिप्सने १२ धावांचे योगदान दिले. ऑस्ट्रेलियाकडून जोश हेझलवूडने दोन आणि अॅडम झाम्पाने एक विकेट घेतली.

हेही वाचा – T20 World Cup 2022: भारत-पाकिस्तान सामन्याला आशिया चषक वादाचा तडका; जाहिरातीचे दर भिडले गगनाला, नेमकं घडलं काय?

First published on: 22-10-2022 at 15:06 IST

मराठीतील सर्व T20 World Cup बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: T20 world cup 2022 new zealand set a target of 201 runs against australia vbm

AUS vs NZ : कॉन्वे, ऍलन आणि नीशमचा धमाका; न्यूझीलंडने ऑस्ट्रेलियासमोर ठेवले २०१ धावांचे लक्ष्य