T20 World Cup 2022: टी२० विश्वचषक स्पर्धेतील टीम ऑफ द टूर्नामेंटमध्ये भारताच्या तीन खेळाडूंचा समावेश, कोण आहेत ते जाणून घ्या

स्टार स्पोर्ट्सने टीम ऑफ द टूर्नामेंटमध्ये सलामीवीर म्हणून इंग्लंडच्या सलामीच्या जोडीचा समावेश केला. ऍलेक्स हेल्स आणि जोस बटलर हे अधिकृत प्रसारक संघात सलामीचे नेतृत्व करताना दिसतील. हेल्स आणि बटलर दोघेही या स्पर्धेत उत्कृष्ट फॉर्ममध्ये आहेत. भारतासमोरचे १६९ धावांचे लक्ष्य त्यांनी एकही विकेट न गमावता पूर्ण केले. या स्पर्धेत भारताच्या दोन बलाढ्य फलंदाजांवर मधल्या फळीची जबाबदारी देण्यात आली आहे. ही जबाबदारी विराट कोहली आणि सूर्यकुमार यांच्यावर सोपवण्यात आली आहे. या दोघांनी भारतीय संघाला उपांत्य फेरीत नेण्यात महत्त्वाची भूमिका बजावली. कोहलीने या स्पर्धेत सहा सामन्यांत ९८.६७ च्या सरासरीने आणि १३६.४१ च्या स्ट्राईक रेटने २९६ धावा केल्या. तो टी२० विश्वचषकात सर्वाधिक धावा करणारा फलंदाज आहे.

आणखी वाचा

IPL 2025 Auction: कोण आहे वैभव सूर्यवंशी? आयपीएल लिलावात उतरणार फक्त १३ वर्षांचा भारतीय खेळाडू, ऑस्ट्रेलियाविरूद्ध झळकावलंय जलद शतक

Nana Patole : निकालाआधी राजकीय घडामोडींना वेग; यातच…

IND vs AUS: शुबमन गिल ऑस्ट्रेलियाविरूद्ध पहिल्या कसोटीतून बाहेर, टीम इंडियाच्या अडचणी वाढल्या, ‘हा’ खेळाडू करणार पदार्पण?

IND vs SA 3rd T20 Highlights : रोमहर्षक सामन्यात भारताने मारली बाजी! तिलक वर्माचा शतकी तडाखा, मालिकेत २-१ घेतली आघाडी

Sanju Samson : संजू सॅमसनची आयसीसी टी-२० क्रमवारीत मोठी झेप! सलग दोन सामन्यात शतक झळकावत पटकावले ‘हे’ स्थान

भारतीय फलंदाजांकडे लक्ष; दक्षिण आफ्रिकेविरुद्ध तिसरा ट्वेन्टी२० सामना आज; सूर्यकुमार, पंड्याकडून अपेक्षा

IND vs SA: भारत-दक्षिण आफ्रिका तिसरा टी-२० सामना दुसऱ्या सामन्यापेक्षा उशिराने सुरू होणार, जाणून घ्या काय आहे नेमकी वेळ?

त्याच वेळी, सूर्यकुमार यादवने या विश्वचषकात सहा सामन्यांमध्ये ५९.७५ च्या सरासरीने आणि १८९.६८ च्या स्ट्राइक रेटने २३९ धावा केल्या. सर्वाधिक धावा करणाऱ्यांमध्ये तो सध्या तिसऱ्या क्रमांकावर आहे. यानंतर स्टार स्पोर्ट्सने पाचव्या क्रमांकावर ग्लेन फिलिप्सची निवड केली आहे. फिलिप्सने या विश्वचषकातही शतक झळकावले. त्याने विश्वचषकातील पाच सामन्यांमध्ये १५८.२७ च्या स्ट्राइक रेटने २०१ धावा केल्या. झिम्बाब्वेचा प्रसिद्ध अष्टपैलू खेळाडू सिकंदर रझालाही स्टार स्पोर्ट्सच्या सर्वोत्कृष्ट संघात स्थान मिळाले आहे. रझाने आठ सामन्यांत २१९ धावा केल्या. तसेच १० विकेट्स घेतल्या. पाकिस्तानचा उपकर्णधार शादाब खानचाही संघात समावेश करण्यात आला आहे. शादाबने संपूर्ण विश्वचषकात काही उत्कृष्ट कामगिरी केली आहे. शादाबने सात सामन्यात ९८ धावा केल्या आणि १० बळीही घेतले. दक्षिण आफ्रिकेचा वेगवान गोलंदाज अॅनरिक नॉर्टजे आणि इंग्लंडचा तुफान गोलंदाज मार्क वुड हेही स्पर्धेतील स्टार स्पोर्ट्स संघात आहेत.

हेही वाचा :   ENG vs PAK T20 WC: ‘मला माझ्या संघावर अभिमान आहे आणि…’ सामना संपल्यावर बाबर आझमने केले मोठे विधान

नॉर्टजेने पाच सामन्यांत ११ विकेट घेतल्या. १० धावांत चार बळी ही त्याची सर्वोत्तम कामगिरी होती. त्याचवेळी वुडने चार सामन्यांत नऊ विकेट घेतल्या. दुखापतीमुळे तो उपांत्य फेरी आणि अंतिम सामन्यात संघाचा भाग नव्हता. पाकिस्तानची स्टार गोलंदाज शाहीन आफ्रिदीलाही स्टार स्पोर्ट्सने प्लेइंग-११ मध्ये स्थान दिले आहे. शाहीन पहिल्या काही सामन्यांमध्ये बेरंग दिसत होती. तथापि, नंतर त्याने पुनरागमन केले आणि अंतिम सामन्यासह सात सामन्यांत ११ बळी घेतले. ३२ धावांत तीन बळी ही त्याची सर्वोत्तम कामगिरी होती.

हेही वाचा :   ENG vs PAK T20 WC: ‘दिल दुखा है…’ वेगवान गोलंदाज शोएब अख्तरने पाकिस्तानच्या पराभवावर व्यक्त केल्या भावना

भारताचा उदयोन्मुख डावखुरा वेगवान गोलंदाज अर्शदीप सिंग देखील अधिकृत प्रसारकांच्या टी२० टीम ऑफ द टूर्नामेंटचा भाग आहे. अर्शदीपचा हा पहिलाच विश्वचषक असून त्याने पहिल्याच विश्वचषकात ही कामगिरी केली. अर्शदीपने सहा सामन्यांत ७.८० च्या इकॉनॉमी रेटने आणि १२ च्या स्ट्राइक रेटने १० विकेट घेतल्या. ३२ धावांत तीन बळी ही त्याची सर्वोत्तम कामगिरी होती. अर्शदीपने स्विंगने जगभरातील फलंदाजांना अडचणीत आणले. आगामी काळात तो टीम इंडियाचा प्रमुख गोलंदाज बनू शकतो.