T20 World Cup 2022: हा घ्या विराटचा फॉर्म गवसल्याचा पुरावा; २०१९ नंतर पहिल्यांदाच…

कोहलीने २०१९ नंतर एका वर्षात १००० धावांचा टप्पा ओलांडला आहे. त्याची बॅट २०२० आणि २०२१ मध्ये तळपली नाही. या कारणावरून त्यांच्यावर टीकाही झाली होती. अनेक क्रिकेट तज्ज्ञांनीही त्याची संघातून हकालपट्टी करण्याची मागणी केली होती, पण कोहलीने सर्व टीकाकारांची बोलती आता आपल्या बॅटने बंद केली आहे.

आणखी वाचा

IND vs AUS: “विराट कोहली भावनिक आहे, त्याचा फायदा…”, ऑस्ट्रेलियाच्या माजी खेळाडूने कांगारू संघाला दिला मोलाचा सल्ला

Nana Patole : निकालाआधी राजकीय घडामोडींना वेग; यातच…

Suryakumar Yadav : ‘आता सगळ्यांनी मायदेशात जाऊन…’, दक्षिण आफ्रिकेविरुद्धची मालिका जिंकल्यानंतर सूर्याने संघाला दिला महत्त्वाचा सल्ला

Suryakumar Yadav : याला म्हणतात देशभक्ती… देशाचा अपमान होताना पाहून सूर्यकुमार यादवने केलं असं काही की, तुम्हीही कराल सलाम, पाहा VIDEO

IND vs AUS: भारताला पर्थ कसोटीपूर्वी मोठा धक्का, केएल राहुलला सराव सामन्यात दुखापत, सोडावं लागलं मैदान!

IND vs SA: तिलक वर्माने शतकानंतर कोणाला फ्लाईंग किस दिला? सामन्यानंतर स्वत:च सांगितलं…

Arjun Tendulkar: अर्जुन तेंडुलकरने पहिल्यांदाच पटकावल्या ५ विकेट्स; रणजी करंडक स्पर्धेत भेदक गोलंदाजी; ८४ धावांवर संघ सर्वबाद

विराटने यावर्षी २८ सामन्यांच्या ३१ डावांमध्ये १०२४ धावा केल्या आहेत. या कालावधीत त्याची सरासरी ३९.३८ इतकी राहिली आहे. त्याने एक शतक आणि नऊ अर्धशतके झळकावली आहेत. आशिया चषकात अफगाणिस्तानविरुद्धची नाबाद १२२ धावा ही त्याची सर्वोच्च धावसंख्या आहे.

कोहलीने २०२२ मध्ये २२ सामन्यांच्या २४ डावांमध्ये ३६.६० च्या सरासरीने ८४२ धावा केल्या. या काळात त्याने सात अर्धशतके झळकावली होती. त्याची सर्वोच्च धावसंख्या ८९ धावांची होती. त्याचबरोबर, २०२१ मध्ये, त्याने २४ सामन्यांच्या ३० डावांमध्ये ९६४ धावा केल्या. या काळात विराटची सरासरी ३७.०७ होती. त्याने नऊ अर्धशतके झळकावली होती. ज्यामध्ये नाबाद ८० ही त्याची सर्वोच्च धावसंख्या होती.

हेही वाचा – T20 World Cup 2022: पाच वर्षानंतर पुनरागमन केलं अन् थेट दोन शतकं झळकावत विक्रमवीर झाला

इंग्लंडविरुद्धच्या मालिकेनंतर कोहलीने घेतला होता ब्रेक-

जुलैमध्ये इंग्लंडविरुद्धच्या मालिकेनंतर कोहलीने ब्रेक घेतला होता. आशिया चषकात तो परतला. या स्पर्धेत त्याने आपले ७१ वे आंतरराष्ट्रीय शतक झळकावले. विराटला हजार दिवसांनंतर शतक झळकावण्यात यश आलं होतं. त्याने आशिया चषकाच्या पाच डावांत ९२ च्या सरासरीने २७६ धावा केल्या. यादरम्यान त्याने एक शतक आणि दोन अर्धशतके झळकावली. आशिया चषकानंतर ऑस्ट्रेलिया आणि दक्षिण आफ्रिकेविरुद्धच्या घरच्या मालिकेत दोन अर्धशतके झळकावले.

टी-२० विश्वचषकात कोहली भारतासाठी सर्वाधिक धावा करणारा फलंदाज –

सध्याच्या टी-२० विश्वचषकात कोहली भारतासाठी सर्वाधिक धावा करणारा फलंदाज आहे. त्याने दोन सामन्यांत १४४ धावा केल्या. विराटने दोन्ही सामन्यात अर्धशतके झळकावली आहेत. टी-२० विश्वचषकात सर्वाधिक धावा करणाऱ्या खेळाडूंच्या बाबतीत तो चौथ्या स्थानावर आहे. त्याच्यापेक्षा जास्त धावा श्रीलंकेच्या कुसल मेंडिस (१७६ धावा), नेदरलँड्सच्या मॅक्स ओडाड (१५३ धावा) आणि झिम्बाब्वेच्या सिकंदर रझा (१४५ धावा) यांनी केल्या आहेत.

हेही वाचा – PAK vs ZIM: सिकंदर रझाने मैदानात का केली खुणवाखुणवी? झिम्बाम्बावेचा कर्णधार म्हणतो, “आता माझं दिवाळं..”

कोहलीची जयवर्धनेच्या विक्रमावर नजर –

श्रीलंकेच्या महेला जयवर्धनेने टी-२० विश्वचषकात सर्वाधिक धावा केल्या आहेत. विराट यावेळी त्याचा विक्रम मोडू शकतो. जयवर्धनेने स्पर्धेतील ३१ सामन्यांत ३९.०७ च्या सरासरीने आणि १३४.७४ च्या स्ट्राइक रेटने १०१६ धावा केल्या. त्याचवेळी कोहलीने २३ सामन्यात ८९.९० च्या सरासरीने आणि १३२.०४ च्या स्ट्राईक रेटने ९८९ धावा केल्या आहेत. कोहली आता जयवर्धनेच्या २७ धावांनी मागे आहे.