Frank Nsubuga : युगांडाच्या ४३ वर्षीय गोलंदाजाने रचला इतिहास! टी-२० विश्वचषकात केला सर्वात मोठा पराक्रम

फ्रँक न्सुबुगाने टाकला विश्वचषकातील सर्वोत्कृष्ट इकॉनॉमिकल स्पेल –

या विश्वचषकातील सर्वात वयोवृद्ध खेळाडू, युगांडाच्या संघाचा भाग असलेला फ्रँक न्सुबुगाने आता टी-२० विश्वचषकाच्या इतिहासातील सर्वोत्कृष्ट इकॉनॉमिकल ४ षटकांचा स्पेल टाकणारा गोलंदाज ठरला आहे. पापुआ न्यू गिनीविरुद्धच्या सामन्यात न्सुबुगाने ने ४ षटकात ४ धावा दिल्या आणि २ विकेट्सही घेतल्या. न्सुबुगापूर्वी हा विक्रम दक्षिण आफ्रिकेच्या संघाचा वेगवान गोलंदाज एनरिक नॉर्खियाच्या नावावर होता, ज्याने याच विश्वचषकात श्रीलंकेविरुद्धच्या सामन्यात ४ षटकात ४ विकेट्स घेऊन ७ धावा दिल्या होत्या.

आणखी वाचा

Jasprit Bumrah : तबरेझ शम्सीच्या पोस्टने क्रिकेट विश्वाला दिला आश्चर्याचा धक्का! जसप्रीत बुमराहबरोबर घडला असा योगायोग की विश्वासच बसणार नाही

Nana Patole : निकालाआधी राजकीय घडामोडींना वेग; यातच…

लक्षवेधी लढत : मुनगंटीवार यांच्यासमोर कडवे आव्हान

Ranji Trophy: ६०६ धावांची विक्रमी भागीदारी अन् गोव्याच्या २ फलंदाजांची त्रिशतकं, रणजी ट्रॉफीच्या ९० वर्षांच्या इतिहासात पहिल्यांदाच घडलं असं काही

निराशाजनक पराभवामुळे आव्हान खडतर! विजय निसटल्याची महाराष्ट्राचे प्रशिक्षक सुलक्षण कुलकर्णी यांना खंत

Ranji Trophy : शम्स मुलानीच्या भेदक गोलंदाजीच्या जोरावर मुंबईने ओडिशाचा उडवला धुव्वा! एक डाव आणि १०३ धावांनी चारली धूळ

Sanju Samson : संजू सॅमसनने धोनीला मागे टाकत केला खास पराक्रम, टी-२० क्रिकेटमध्ये ‘ही’ कामगिरी करणारा ठरला सातवा भारतीय

टी-२० विश्वचषकाच्या इतिहासात सर्वोत्कृष्ट स्पेल (४ षटके) टाकणारे गोलंदाज –

फ्रँक न्सुबुगा – ४ धावांत २ विकेट्स (वि. पापुआ न्यू गिनी, २०२४)
एनरिक नॉर्खिया – ७ धावांत ४ विकेट्स (वि. श्रीलंका, वर्ष २०२४)
अजंथा मेंडिस – ८ धावांत ६ विकेट्स (वि. झिम्बाब्वे, २०१२)
महमुदुल्लाह – ८ धावांत १ विकेट (वि. अफगाणिस्तान, २०१४)
वानिंदू हसरंगा – ८ धावांत ३ विकेट्स (वि. यूएई, वर्ष २०२२)

हेही वाचा – T20 WC 2024 : युगांडा संघाने पापुआ न्यू गिनीवर विजय मिळवल्यानंतर केला भन्नाट डान्स, VIDEO व्हायरल

या सामन्यात युगांडासाठी रियाजत अली शाह व्यतिरिक्त एकही फलंदाज काही खास करु शकला नाही. त्याने ३३ धावांची खेळी करत संघाला विजयापर्यंत नेले. मात्र, त्याचा स्ट्राईक रेट केवळ ५८.९२ धावाच राहिला. या सामन्यात अल्पेशने आठ धावा, दिनेशने शून्य, जुमा मियागीने १३ धावा, केनेथने नाबाद सात धावा केल्या. ब्रायन खाते न उघडता नाबाद राहिला. पापुआ न्यू गिनीकडून अली नाओ आणि नॉर्मन वानुआ यांनी प्रत्येकी दोन गडी बाद केले. तर चाड सोपर आणि असद वाला यांनी प्रत्येकी एक विकेट घेतली.