IND VS USA T20 World Cup: पेनल्टीचा भुर्दंड बसला आणि अमेरिकेने टाकली मान; काय आहे नवीन नियम? | USA hit with first ever stop-clock penalty rule against indian cricket team at crucial juncture psp 88

अनुनभवी अमेरिकेच्या संघाने बलाढ्य भारतीय संघाला विजयासाठी झुंजवलं पण एका तांत्रिक नियमाने त्यांचं आव्हान कमकुवत झालं.

पेनल्टी रुल अमेरिकेला पडला महागात (सौजन्य-एक्स)

क्रिकेटच्या पटलावर भारतीय क्रिकेट संघ महासत्ता मानला जातो. क्रिकेटच्या परिघात आता कुठे रांगू लागलेल्या अमेरिकेने बलाढ्य अशा भारतीय संघाला न्यूयॉर्कच्या मैदानावर झुंजवलं पण एका तांत्रिक नियमाने त्यांच्या आव्हानातलं त्राणच निघून गेलं. सूर्यकुमार यादव आणि शिवम दुबे ही मुंबईकर जोडगोळी भारतीय संघाला विजय मिळवून देण्याच्या मोहिमेवर होती. अत्यंत कठीण अशा खेळपट्टीवर एकेरी-दुहेरी धावा काढणंही कठीण होतं. सूर्या-शिवम जोडीने संयम बाळगला आणि मोक्याच्या क्षणी नियम त्यांच्या मदतीला धावून आला.

हेही वाचा – IND v USA: बोरिवलीतील अनेक खेळाडू या सामन्यात असं शास्त्रींनी म्हणताच रोहित शर्मा पाहा काय म्हणाला, “त्यांच्यासोबत एकत्र क्रिकेट…”

आणखी वाचा

IND vs AUS Paine criticism of Gautam Gambhir ahead Border Gavaskar Trophy

IND vs AUS : ‘… तो भारतीय क्रिकेट संघासाठी योग्य नाही’, रिकी पॉन्टिंगनंतर टिम पेनने गौतम गंभीरवर साधला निशाणा

D. Y. Chandrachud : संजय राऊतांच्या टीकेवर माजी…

West Indies Beat England with New Record of Highest Successful Chase in in T20I At Home Soil of 219 Runs WI vs ENG

ENG vs WI: वेस्ट इंडिजचा इंग्लंडवर ऐतिहासिक विजय! संथ सुरूवातीनंतर षटकारांचा पाऊस, कॅरेबियन संघाने मोडला ७ वर्षे जुना विक्रम

पाकिस्तानात चँपियन्स ट्रॉफी खेळण्यासाठी भारताचा नकार का? पाकव्याप्त काश्मीरचा मुद्दा का चर्चेत?

अन्यथा : प्रगतीच्या प्रारूपाचा प्रश्न!

India Scored 2nd Highest T20 Total of 283 Runs Tilak Varma and Sanju Samson Scored Individual Centuries with Record Breaking Partnership IND vs SA

IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी

Indian Cricket Team Creates History Becomes First Team To Score 5 T20I International Century in 2024 IND vs SA Tilak Varma

IND vs SA: तिलक वर्माच्या शतकासह भारतीय संघाने घडवला इतिहास, टी-२० क्रिकेटमध्ये २०२४ मध्ये ‘ही’ कामगिरी करणारा ठरला पहिला संघ

नेमकं काय झालं?
१५वं षटक संपलं तेव्हा भारताची स्थिती ७६/३ अशी होती. १११ धावांचं लक्ष्य अवघडच भासत होतं. मात्र या षटकानंतर पंच पॉल रायफेल यांनी भारतीय संघाला पाच धावा पेनल्टी मिळणार असल्याची घोषणा केली. आयसीसी ट्वेन्टी२० वर्ल्डकपच्या प्लेइंग कंडिशन्स ४१.९.४ नियमानुसार गोलंदाजी करणाऱ्या संघाला नवं षटक सुरू करण्यासाठी ६० सेकंद मिळतात. निर्धारित वेळेत षटक सुरू न झाल्यास इशारा देण्यात येतो. तीनपेक्षा जास्त इशारे मिळाले तर चौथ्या वेळेस प्रतिस्पर्धी संघाला पेनल्टी बहाल करण्यात येते. हा नियम नव्याने लागू करण्यात आला आहे. अमेरिकेने डावात नव्या षटकापूर्वी अतिरिक्त वेळ घेतला आणि तोच त्यांच्या अंगलट आला. १६व्या षटकात सूर्या-शिवम जोडीने ६ धावा काढल्या. यामध्ये ५ पेनल्टीच्या धावा जोडण्यात आल्या. यामुळे भारताची धावसंख्या ८७/३ अशी झाली आणि लक्ष्य एकदम खाली आलं. ३० चेंडूत ३५ असं लक्ष्य ३० चेंडूत ३० झाल्याने सूर्या-शिवम जोडीने सुस्कारा टाकला.

हेही वाचा – संधी, स्थलांतर, वर्ल्डकप

अशी पेनल्टी बसणारा अमेरिका हा पहिलाच संघ ठरला. स्टॉप क्लॉकच्या माध्यमातून षटकांची गती राखली जावी यासाठी १ जूनपासून वनडे आणि ट्वेन्टी२० प्रकारात हा नियम लागू करण्यात आला. हा अगदी नवीन नियम असल्याने अमेरिकेचा कर्णधार आरोन जोन्सला याची कल्पना नव्हती. दोन्ही पंचांनी हा नियम त्याला समजावून सांगितला.

हेही वाचा – IND vs USA : सौरभ नेत्रावळकरने रचला इतिहास! सॉफ्टवेअर इंजिनिअरने रोहित-विराटचा कोड केला क्रॅक, पाहा VIDEO

काही दिवसांपूर्वी बांगलादेश संघाला लेगबाईज संदर्भात नियमाचा फटका बसला होता.बांगलादेशला चार धावा देण्यात आल्या नाहीत. न्यूयॉर्कच्या याच खेळपट्टीवर बांगलादेशचा संघही छोटेखानी लक्ष्याचा पाठलाग करत होता. १७व्या षटकात ओटेनिल बार्टमनचा चेंडू महमदुल्लाने तटवून काढण्याचा प्रयत्न केला. चेंडू महमदुल्लाच्या पॅडला लागून चौकार गेला मात्र दक्षिण आफ्रिकेच्या खेळाडूंनी बादचं अपील केलं आणि पंचांनी बादचा कौल दिला. बाद दिल्यामुळे चेंडू डेड झाला. त्यामुळे बांगलादेशला चेंडू सीमापार जाऊनही चार धावा मिळू शकल्या नाहीत. योगायोग म्हणजे महमदुल्लाने रिव्ह्यूचा निर्णय घेतला. तिसऱ्या पंचांनी मैदानावरील पंचांचा निर्णय बदलत महमदुल्ला बाद नसल्याचा निर्वाळा दिला. महमदुल्लाला जीवदान मिळालं पण बांगलादेशला चार धावा मिळू शकल्या नाहीत. बांगलादेशच्या संघाला चार धावांनीच पराभवाला सामोरं जावं लागलं.

हेही वाचा – T20 WC 2024: मुंबईचा मराठमोळा इंजिनियर कसा झाला अमेरिकेचा फास्ट बॉलर; आता भारताविरुद्धच परजणार अस्त्रं

पाकिस्तानविरुद्ध विजयी मात्र भारताविरुद्ध पराभूत झाल्याने अमेरिकेला आयर्लंडविरुद्ध विजय मिळवणं क्रमप्राप्त आहे.

मराठीतील सर्व T20 World Cup बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Usa hit with first ever stop clock penalty rule against indian cricket team at crucial juncture psp