WES vs UGA: युगांडाचा ३९ धावांत खुर्दा; वेस्ट इंडिजचा १३४ धावांनी दणदणीत विजय

प्रोव्हिडन्स इथे झालेल्या लढतीत वेस्ट इंडिजने नाणेफेक जिंकून प्रथम फलंदाजीचा निर्णय घेतला. जॉन्सन चार्ल्स आणि ब्रँडन किंग यांनी ४१ धावांची सलामी दिली. चार्ल्सने फटकेबाजी सुरु ठेवत ४४ धावांची खेळी केली. निकोलस पूरन (२२), रोव्हमन पॉवेल (२३) आणि शेरफन रुदरफोर्ड (२२) यांनी छोट्या पण उपयुक्त खेळी केल्या. आंद्रे रसेलने १७ चेंडूत ६ चौकारांसह ३० धावांची खेळी केली. युगांडातर्फे ब्रियान मसाबाने २ विकेट्स घेतल्या.

आणखी वाचा

ENG vs WI: वेस्ट इंडिजचा इंग्लंडवर ऐतिहासिक विजय! संथ सुरूवातीनंतर षटकारांचा पाऊस, कॅरेबियन संघाने मोडला ७ वर्षे जुना विक्रम

Nana Patole : निकालाआधी राजकीय घडामोडींना वेग; यातच…

IND vs SA: भारताचा दक्षिण आफ्रिकेवर विक्रमी १३५ धावांनी मोठा विजय, मालिकाही जिंकली

१० पैकी १० विकेट्स! अंशुल कंबोजचा रणजी स्पर्धेत विक्रम

लक्षवेधी लढत : मुश्रीफ- घाटगेंमध्ये पुन्हा लढत फक्त पक्ष बदलून

IND vs SA: ना पाऊस, ना खराब हवामान… चक्क कीटकांनी रोखला भारत-आफ्रिका सामना, मैदानात नेमकं काय घडलं?

IND vs SA 3rd T20 Highlights : रोमहर्षक सामन्यात भारताने मारली बाजी! तिलक वर्माचा शतकी तडाखा, मालिकेत २-१ घेतली आघाडी

प्रत्युत्तरादाखल खेळताना युगांडाच्या फलंदाजांनी सपशेल शरणागती पत्करली. जुमा मियागीचा अपवाद वगळता युगांडाच्या बाकी फलंदाजांना दुहेरी धावसंख्याही गाठता आली नाही. डावखुरा फिरकीपटू अकेल हुसेनने ४ षटकात ११ धावांच्या मोबदल्यात ५ विकेट्स पटकावल्या. अल्झारी जोसेफने २ तर रोमारिओ शेफर्ड, आंद्रे रसेल, गुदकेश मोटी यांनी प्रत्येकी एक विकेट घेत हुसैनला चांगली साथ दिली. अकेललाच सामनावीर पुरस्काराने गौरवण्यात आलं.

वेस्ट इंडिजने पहिल्या लढतीत पापुआ न्यू गिनी तर या लढतीत युगांडावर दणदणीत विजय मिळवत बाद फेरीच्या दिशेने आश्वासक वाटचाल केली आहे.