टी-२० विश्वचषक स्पर्धेमध्ये भारतीय संघाच्या फलंदाजीचा आधारस्तंभ असा विराट कोहली उल्लेख केल्याच वावगं ठरणार नाही इतक्या सुंदर फॉर्ममध्ये सध्या कोहली आहे. टी-२० विश्वचषक स्पर्धेमध्ये सर्वाधिक धावा करणाऱ्या फलंदाजांच्या यादीत विराट अव्वल स्थानी आहे. विराट कोहलीने आतापर्यंत ५ सामन्यांत ३ अर्धशतकांसह सर्वाधिक २४६ धावा केल्या आहेत. पाकिस्तानविरुद्धच्या पहिल्याच सामन्यात विराटने नाबाद ८२ धावांची खेळी केली. टी-२० क्रिकेटमधील विराटची ही सर्वोत्तम खेळी असल्याचं कौतुक अनेकांनी या खेळीनंतर केलं.
नक्की वाचा >> T20 World Cup Mr 360: “एकच मिस्टर ३६० असून मी…”, म्हणणाऱ्या सूर्यकुमारला डेव्हिलियर्सचा रिप्लाय; म्हणाला, “तू फारच…”
आशिया चषक स्पर्धेपासून पुन्हा लय गवसेसल्या विराटबद्दल पाकिस्तानमधील एका खेळाडूने महत्त्वाचं विधान केलं. करियरच्या सुरुवातीलाच पाकिस्तानी प्रसारमाध्यमांकडून विराटशी तुलना करण्यात आलेल्या या खेळाडूला सातत्याचा आभाव असल्याचं कारण देत २०१९ पासून पाकिस्तान संघातून बाहेर बसवण्यात आलं आहे. करियरच्या सुरुवातीला विराटशी झालेली तुलना आणि सध्याच्या स्थितीचा संदर्भ देत नुकतेच एक विधान करणाऱ्या या खेळाडूचं नाव आहे अहम शहजाद.
नक्की वाचा >> World Cup Final: भारत जिंकला! पाकिस्तानही उपांत्य फेरीत; Ind vs Pak ड्रीम फायनल्सची शक्यता वाढली; समजून घ्या नेमकं गणित
२००९ साली आंतरराष्ट्रीय क्रिकेटमध्ये पदार्पण केल्यानंतर शहजादच्या फलंदाजीवर सर्वचजण फिदा झाले होते. अनेकदा त्याचा उल्लेख ‘पाकिस्तानचा कोहली’ असाही करण्यात आला होता. सध्या ३० वर्षांचा असलेल्या शहजादने १३ कसोटी, ८१ एकदिवसीय सामने आणि ५९ टी-२० सामने खेळले आहेत. तीन वर्षांपासून शहजादला पाकिस्तानच्या टी-२० संघात स्थान मिळालेलं नाही. तर २०१७ पासून त्याला पाकिस्तानच्या कसोटी आणि एकदिवसीय संघात स्थान मिळालेलं नाही.
नक्की पाहा >> Virat Kohli Salute Video: …अन् विराटनं मैदानातच ठोकला कडकडीत सॅल्यूट; जाणून घ्या हे सॅल्यूट सेलिब्रेशन असतं तरी काय
सध्या सुरु असलेल्या विश्वचषक स्पर्धेच्या पार्श्वभूमीवर शहजादने ‘क्रिकेट पाकिस्तान’ या वेबसाईटवरील चर्चासत्रामध्ये सहभाग नोंदवला होता. यावेळेस शहजादने आपली तुलना कोहलीशी करण्यात आल्याने काय तोटा झाला आणि विराट आपल्या तुलनेत एवढा पुढे कसा गेला याबद्दल भाष्य केलं. “या गोष्टी (मोठ्या खेळाडूबरोबर होणारी तुलना) फार विरोधात जातात. जेव्हा तुम्ही तुलना करता तेव्हा केवळ दोन सामन्यांमध्ये ही तुलना कुठून कुठे जाते हे कळतही नाही. दोघांची तुलना होऊच शकत नाही. दोघेही दोन वेगळी व्यक्तीमत्वं आहेत. दोघांचंही आयुष्य फार वेगळं आहे हे लक्षात घेतलं पाहिजे,” असं शहजाद म्हणाला.
नक्की वाचा >> Ind vs Eng Semifinal: भारत १० तारखेला इंग्लंडशी भिडणार! आकडेवारीचा कौल भारताच्या बाजूने, २२ वेळा आमने-सामने आले त्यापैकी…
पुढे बोलताना शहजादने थेट धोनीचा उल्लेख करत विराटला समर्थन देणारे बरेच लोक भेटले मात्र माझ्याबाबतीत असं घडू शकलं नाही, अशी प्रतिक्रिया दिली. “कोहली की लाइफ डिफरंट हैं. उनके पास धोनी था. मेरी जिंदगी में सिनारियो डिफरंट है,” असं शहजाद आपला संताप व्यक्त करता म्हणाला.
नक्की वाचा >> Ind vs Ban: याला म्हणतात Sportsmanship… भारताच्या विजयानंतर विराट डायनिंग हॉलमध्ये बसलेल्या लिटन दास जवळ गेला अन्…
“त्याचं (विराटचं) आयुष्य वेगळ्या पद्धतीने सुरु आहे. त्याच्या पाठीशी धोनी होता. माझ्या आयुष्यातील सिनारियो (परिस्थिती) वेगळी आहे. मी नेहमीच सांगतो की दोन परिस्थितींमध्ये क्रिकेट खेळलं जातं. एक अशी परिस्थिती जिथे सर्वचजण तुमचं समर्थन करत असतात आणि दुसरी अशी जिथे सर्वजण तुम्हाला बाहेर काढण्यासाठी प्रयत्न करत असतात,” असं म्हणत शहजादने आपल्या मनातील खंत व्यक्त केली.
