ICC Test Ranking : विराट सर्वोत्तम, टीम इंडिया अव्वल स्थानी कायम

आंतरराष्ट्रीय क्रिकेट परिषदेने (ICC) नुकत्याच जाहीर केलेल्या कसोटी क्रमवारीत टीम इंडिया अव्वल स्थानी कायम असून कर्णधार विराट कोहली हादेखील क्रमवारीत आपले अग्रस्थान राखून आहे. भारताने गेल्या महिन्यभरात कसोटी सामना खेळलेला नाही. त्यामुळे भारताच्या क्रमवारीतील स्थानावर कोणत्याही प्रकारचा बदल झालेला नाही. मात्र इंग्लंड विरुद्ध विंडीज या मालिकेत विंडीजने ३ सामन्यांची कसोटी मालिका २-१ अशी जिंकल्यामुळे इंग्लंडची दोन स्थानांची घसरण झाली असून तो संघ पाचव्या स्थानी गेला आहे.  पण चांगली गोष्ट म्हणजे इंग्लंडचा कर्णधार जो रूट हा टॉप ५ मध्ये आला आहे.