अहमदाबादमधील चौथ्या कसोटीच्या चौथ्या दिवशी विराट कोहलीने भारताचे नेतृत्व केले. यजमानांनी ऑस्ट्रेलियाविरुद्ध ९१ धावांची चांगली आघाडी घेतली. कांगारूंनी त्यांच्या पहिल्या डावात १० विकेट्सच्या बदल्यात ४८० धावा केल्या होत्या. कसोटीतील ३.५ वर्षांचा शतकाचा दुष्काळ संपवत कोहलीने ३६४ चेंडूत १८६ धावा केल्या आणि बाद होणारा तो अंतिम भारतीय फलंदाज होता. पाठदुखीच्या तक्रारीमुळे श्रेयस अय्यर उपलब्ध नसल्याने भारतीय डाव ५७१ धावांवर गुंडाळला गेला. त्यानंतर ऑस्ट्रेलिया दुसऱ्या डावात फलंदाजीसाठी बाहेर पडला. ट्रॅविस हेड आणि नाईट वॉचमन मॅथ्यू कुहनेमन यांनी दिवसअखेर ३ धावा जोडल्या.
शानदार फलंदाजी करत असताना, भारताच्या माजी कर्णधाराने प्रतिस्पर्ध्याला कमी लेखण्याची धोक्याची चूक केली. ही घटना घडली जेव्हा कोहली १८० वर फलंदाजी करत होता आणि दुसऱ्या बाजूने विकेट्स पडत होत्या. उमेश यादव दुसऱ्या टोकाला फलंदाजी करत असताना आणि क्षेत्ररक्षक बहुतांशी सीमारेषेजवळ उभे होते. कोहली आणि टेलेंडर उमेशने झटपट दुहेरी धाव चोरण्याचा कट रचला. ठरल्याप्रमाणे त्याने बॉल ऑन-साईडकडे टोलवला आणि लगेच दुहेरी धावेसाठी पळाला.
पीटर हँड्सकॉम्बच्या उत्कृष्ट क्षेत्ररक्षणाने कोहली देखील थक्क झाला. त्याचा चेंडू चांगले अंतर कापत मिड-विकेट क्षेत्रातून नॉन-स्ट्रायकरच्या टोकावर स्टंपला धडकला. हँड्सकॉम्बने केलेल्या जबरदस्त क्षेत्ररक्षणामुळे उमेशची खेळी संपुष्टात आली अन तो एकही चेंडूचा सामना न करता पॅव्हेलियनमध्ये परतला. धावबाद होण्याच्या काही क्षण आधी, कोहलीने उमेशला पटकन दुहेरी चोरण्याचे निर्देश दिले होते, ज्याचा उल्लेख दिनेश कार्तिकने समालोचन करताना केला होता. हा व्हिडिओ आहे:
उमेश बाद झाल्यानंतर दोघांच्याही रीअॅक्शन व्हायरल होत आहेत. एकमेकांकडे बघत नाराजी व्यक्त करताना पाहायला मिळाले. ही आठवी विकेट होती आणि श्रेयस नसल्याकारणाने विराट वरचा दबाव वाढल्याने त्याने चुकीचा फटका मारला आणि तो बाद झाला. त्याचे द्विशतक केवळ १४ धावांनी हुकले. त्याला मर्फिने लाबुशेनकरवी झेलबाद केले. डाव संपताना भारताकडे ९१ धावांची आघाडी होती. भारतीय संघाने पाचव्या दिवशीच्या खेळपट्टीवर चमत्कार घडवला तर ते सामना जिंकू शकतात. सपाट खेळपट्टीवर हा सामना ड्रॉच्या जवळ आहे.
