विश्वचषक २०२३ च्या अंतिम सामन्यात भारताने ऑस्ट्रेलियाला २४१ धावांचं लक्ष्य दिलं आहे. सुरुवातीच्या षटकांत तीन विकेट्स पडल्यानंतर ऑस्ट्रेलियाचा फलंदाज ट्रॅव्हिस हेड आणि मार्नस लाबुशेनने खेळ सावरला असून ऑस्ट्रेलिया विजयाच्या दिशेनं मार्गक्रमण करत आहे. दरम्यान, विराट कोहली आणि मार्नस लाबुशेनचा खुन्नस दिल्याचा व्हिडीओ सोशल मीडियावर व्हायरल होत आहे.
९ व्या षटकाच्या समाप्तीनंतर विराट कोहली आणि लाबुशेन यांच्यात खुन्नस पाहायला मिळाली. दोघंही किमान २० सेकंद एकमेकांकडे एकटक रागाने पाहाताना दिसले. यामुळे मैदानातील तणाव वाढताना दिसला. ९ व्या षटकाच्या समाप्तीनंतर कोहली दुसर्‍या टोकाला क्षेत्ररक्षण करण्यासाठी जात असताना दोन्ही खेळाडूंनी किमान २० सेकंद एकमेकांकडे रागाने पाहिलं.
विशेष म्हणजे विराटने उग्र रुप दाखवल्यानंतरही लाबुशेन मागे हटला नाही किंवा डगमगला नाही. तोही कोहलीकडे पाहत राहिला. या क्षणाचा व्हिडिओ सोशल मीडियावर व्हायरल होत आहे.
