IND vs AUS 1st T20 Live : ऑस्ट्रेलिया दौऱ्याची सुरुवात पराभवाने; धवन-कार्तिकची झुंज अपयशी

भारताचा सलामीवीर शिखर धवन ७६ धावांवर माघारी परतला आणि भारताला चौथा धक्का बसला. त्याने १० चौकार आणि २ षटकार लगावले. स्टॅनलेकच्या गोलंदाजीवर तो झेलबाद झाला.

चाहत्याना सर्वाधिक अपेक्षा असणारा कर्णधार विराट कोहली झेलबाद झाला आणि भारताने तिसरा गडी गमावला. कोहलीने ८ चेंडूत केवळ ४ धावा केल्या.

लोकेश राहुलला १३ धावांवर तंबूत परतावे लागले. त्याने केवळ १३ चेंडू खेळले आणि त्यात केवळ १ चौकार मारला.

विंडीजविरुद्धच्या शेवटच्या सामन्यात शिखर धवनला सूर गवसला होता. तीच लय कायम राखत त्याने या सामन्यात फटकेबाजी केली. त्याने २८ चेंडूत आपले अर्धशतक पूर्ण केले. यात ९ चौकार आणि १ षटकार समाविष्ट आहेत.

मायदेशात गोलंदाजांचा कर्दनकाळ ठरलेला सलामीवीर रोहित शर्मा पहिल्या सामन्यात स्वस्तात बाद झाला. ७ धावांवर त्याला बेहरेन्ड्रॉफने फिंचकरवी झेलबाद केले.

पावसाच्या व्यत्ययानंतर सामना 17 षटकांचा करण्यात आला आहे. विश्रांतीनंतर पहिल्याच चेंडूवर बुमराहच्या गोलंदाजीवर मॅक्सवेल झेलबाद. कांगारुंचा चौथा घडी माघारी

पावसाच्या व्यत्ययामुळे खेळ थांबला; ऑस्ट्रेलिया ३ बाद १५३

स्फोटक फलंदाज ख्रिस लीन याने फटकेबाजी करण्यास सुरुवात केली होती. मात्र कुलदीपने त्याला स्वतःच्या गोलंदाजीवर झेलबाद केले.

कर्णधार फिंच २७ चेंडूत २४ धावा करून बाद झाला. त्याला कुलदीप यादवने अहमदकरवी झेलबाद केले. फिंचने तीन चौकार लगावले.

डावाची सुरुवात सावधपणे आणि संथगतीने केल्यानंतर ऑस्ट्रेलियाने झटपट धावा जमावण्यास सुरुवात केली. त्यामुळे आठव्या षटकात ऑस्ट्रेलियाने अर्धशतक गाठले.

ऑस्ट्रेलिया दौऱ्यातील पहिला बळी नवोदित खलील अहमदने टिपला. त्याने डार्सी शॉर्ट याला आपल्या पहिल्याच चेंडूवर बाद केले. शॉर्ट १२ चेंडूत ७ धावा करून तंबूत परतला.