IND vs AUS Rohit Sharma Showing Angry Reaction on Rohit Sharma : मेलबर्नमधील बॉक्सिंग डे कसोटीचा चौथा दिवस संपेपर्यंत ऑस्ट्रेलियाने भारताविरुद्ध ३३ धावांची आघाडी घेतली आहे. या सामन्यात भारताचा युवा खेळाडू यशस्वी जैस्वालकडून खराब क्षेत्ररक्षण पाहिला मिळाले. ज्यामुळे त्याला संघातील सहकाऱ्यांच्या रोषाला सामोरे जावे लागले. सर्वात महत्त्वाच म्हणजे कर्णधार रोहित शर्मा त्याच्यावर प्रचंड चिडलेला दिसला. ज्यावर आता ऑस्ट्रेलियाचा माजी खेळाडू माईक हसीने प्रतिक्रिया देताना रोहितवर टीका केली आहे.
यशस्वी जैस्वालकडून झेल सुटल्यामुळे रोहित संतप्त –
थर्ड स्लिप आणि गली कॅचर म्हणून ओळखल्या जाणाऱ्या यशस्वी जैस्वालकडून बरेच झेल सुटले. ज्यामुशे रोहित शर्माने संतप्त देहबोली दाखवली. यानंतर रोहित शर्मावर टीकेची झोड उठली आहे. यशस्वीकडून झेल सुटल्यानंतर रोहित शर्माने रागाच्या भरात हवेत ठोसे मारण्यास सुरुवात केली. विराट कोहलीही रागावलेला दिसत होता, तर आकाशदीपने यशस्वी जैस्वालला काही अपशब्द बोलले. यशस्वी जैस्वालकडून झेल सुटल्यामुळे रोहित शर्माने ज्या पद्धतीने प्रतिक्रिया दिली, त्यावर ऑस्ट्रेलियाचा माजी फलंदाज माईक हसीने टीका केली आहे.
माईक हसी काय म्हणाला?
फॉक्स क्रिकेटवर बोलताना माईक हसी म्हणाला, ‘खरं सांगायचं तर मला भारतीय कर्णधाराची ही प्रतिक्रिया आवडली नाही. मला त्याच्या भावनांची कदर आहे आणि त्याला विकेटची नितांत गरज होती, पण तुम्हाला शांत आणि समर्थनाचा संदेश द्यावा लागेल. कारण झेल सोडण्याचा इरादा कोणाचाच नसतो. कारण झेल सुटल्यामुळे त्याला आधीच वाईट वाटले असेल. विशेष म्हणजे मार्नस लबूशेनचा झेल सुटल्यामुळे कारण चेंडू खूप वेगाने आतमध्ये येतो किंवा बाहेर जातो. त्यामुळे युवा खेळाडूबद्दल अशा प्रकारे राग व्यक्त करायला नको होता.
हेही वाचा – IND vs AUS : जसप्रीत बुमराहच्या भेदक गोंलदाजीनंतर कांगारुच्या शेपटाने भारताला फोडला घाम, घेतली मोठी आघाडी
यशस्वी जैस्वालने सोडले अनेक झेल –
यशस्वी जैस्वालने ऑस्ट्रेलियाच्या दुसऱ्या डावात तिसऱ्या ओव्हरमध्ये उस्मान ख्वाजाचा दोन धावांवर स्लीपमध्ये झेल सोडला. यानंतर ४०व्या षटकात आकाशदीपच्या दुसऱ्या चेंडूवर यशस्वी जैस्वालकडून मार्नस लबूशेनचा झेल सुटला. त्यावेळी तो ४६ धावांवर फलंदाजी करत होता. यानंतर लबूशेनने या जीवनदानाचा फायदा उठवला आणि ७० धावांची खेळी साकारली. यानंतर ४९व्या षटकात यशस्वी जैस्वालकडून पॅट कमिन्सचा झेल सुटला. त्यावेळी पॅट कमिन्स २० धावांवर खेळत होता. अखेर पॅट कमिन्स ४१ धावा करुन बाद झाला
